Maak 2:20 - Jola-Kasa

²⁰ Manooman hunakahu fan húliiŋ, nan ábuwaawu ammuu li ájim li buko. No unnu kommuu li kukit kumommo.

Maak 2:20 Referencias Cruzadas

Máciya 26:31

Nan kúliiŋumuu bata Huyuuyahu hata unuunukenawu waaneyimuu Olíibiye, Yéesu li aan kúgoomaku koola: — Li ehukaayi inye, wahawu wammuu li ubajom fan újiwuul foofuul feh li jikat bo káyinenaku kan jibajumuu lí ínje, mata kikkiic kaanaku: «Fan itek amataawu imuk, min kúgalalaanaku kata bumatabu kuyiisoo.»

Máciya 9:15

Yéesu li aaniil: — Buu emmuu nokoo kubuke an ábutowe li kumommowool akila to li buko? Manooman hunakahu fan húliiŋ nan kommuu li kujok anawu ummu ábutomuu kújowetum. No unnu kommuu kumommowool.

Maak 2:19

Yéesu li aaniil: — Buu emmuu nokoo kubuke an ábutowe, li kumommo li hunakahu hata ébutowayi, akila to li buko? Abúwaawu aano tomuu li buko fiyo manooman, kubukewool let kuyili kumommo.

Maak 2:21

«An áŋaleliit hufalen hata kañ kuwunkul min áfiboo kañ kuhaan. Mata akaan momuu, hufalenahu huwunkulahu fan huñakoo, li húlangul kañaku kahaanaku, min étaaŋayi ehaŋ maluuk.

Hulimahu Hásuumaahu loon Lík akiic homuu 17:22

Fúlum tó, li aan kúgoomaku koola: — Fan líiŋ nakee nan jommuu li jifañ jimaat maayeet hano li kunakaku kata Añool-An, bale let jimaat ho.

Hulimahu Hásuumaahu loon Lík akiic homuu 5:35

Bale hunakahu fan húliiŋ nan ánayinaawu ammuu li ébutowayi ammuu ájim li buko. No unnu kommuu li kumommowool.

Hulimahu Hásuumaahu loon Saŋ akiic homuu 12:8

Fan jibaj nanoonan esukateen li bukuluul, bale ínje ilet ilako li bukuluul nanoonan.

Hulimahu Hásuumaahu loon Saŋ akiic homuu 13:33

Bañoolom, ilet li ilako li bukuluul fiyo. Fan ban li jiŋesom. Bale boot min ilobuul muñeˈe wahawu wan ilobumuu Kusuwif kaabuku. Let jiyili jijow tan ínje emmuu li ijow.

Hulimahu Hásuumaahu loon Saŋ akiic homuu 16:28

Li Atuubaawu lífulumulo min ibil boot li adunaayi. Muñeˈe boot min ífu’ li adunaayi, min ilaañ boot bata Atuubaawu.

Hulimahu Hásuumaahu loon Saŋ akiic homuu 16:7

Bale boot min ilobuul mal̥egen: haŋe majak boot li bukuluul mín ínje ijow. Mata ijowutumuu Anattenaawu let abil alako li bukuluul. Bale ijowumuu, fan íboñuluul ó’.

Hulimahu Hásuumaahu loon Saŋ akiic homuu 17:11

Injé ilet muñeˈe li adunaayi, bale buko kumbuku li adunaayi. Injé boot min ibil booli. Atuuba anabe, ufooyiil li sembaasu sata kajawaku kooli. Kajawaku kan usenommuu, bájum li kulako an ano loon awu lí ínje oomamuu an ano.

Hulimahu Hásuumaahu loon Saŋ akiic homuu 17:13

Bale muñeˈe boot min ibil booli. Ban kulimaku kan ilobumee muñeˈe nan iloŋumee li adunaayi, lilollob ko bájum li kubaj ésuumansuumayi yúmbaam li buko humumiil, ésuumansuum halli.

Hulimahu Hásuumaahu loon Saŋ akiic homuu 3:29

Anáyinaawu an kóomi li ébuto li anaale okila akile anaalaawu. Bale abukaawu ata ánayinaawu ammuu li ébutowayi fan ajow akoojool min ajantenool, min súumool ŋáa’ okila bajame hulimahu hata ammuu li ébutowayi. Esúumansuumayi inyu yommuu lí ínje, ban súumonsuum muñeˈe li mal̥egen.

Bakaanelabu 1:9

Nan Yéesu alobumuu kulimaku unku aban, Ateemit li aŋalool ájowetum boot li emitayi hákil Kufootalaku. Muñeˈe kafaal li kúfibool hákiliil.

Bakaanelabu 14:23

Li kul̥us li ejangu yanooyan bukan kulako kunahaan, ban nan kumommomuu min kul̥aw kuban, li kuŋaliil kukat li kuŋen kata Amaaŋenawu an kúyinenumuu li akila.

Bakaanelabu 3:21

Bale muñeˈe, Yéesu boot min afan alako li emitayi. Fan alako ló boot yok nan Ateemit ammuu alaañen wahawu feh uwunkulo, loon Ateemit humumool alobumuu kábilum nakee, li utum wata kufulofetaku, kammuu bukan kanabe.

1 Kata Koolent 7:5

Jakum an li buko kúl̥uba ahoy min kuhinto li afaalool, mantee yo yommuu buko bajamoole min kukokkoben jakee min kunaak kul̥aw Ateemit. Bale fúlum tómuu, li kulaañen kuloŋ buloŋiil bata búyabo, jakum bil kúyiliyaati kujokoo min kusen Sayitaane bútin min abuutiil.

2 Kata Koolent 11:2

Lifañuufañ ŋáa’ gay ifañut min jitahaay li an loon Ateemit humumool afañuulumuu ban afañut min atahaay li an. Anáyine ano lisenuul alako afañooluul. Okila ammuu Kilisita, ban lifañe min iŋaluul íhiisool loon ásungute ahaasut ánayine.

2 Kata Koolent 11:27

Liloolok ŋáa’ ban li ílaam foof ŋáa’. Ñameeŋe inaakut iyili ímooli. Li inaak icaalet ban inaakut ibaj ihob, ban ñameeŋe inaakut ibaj itiñ. Kutont kunaanaak kujokom ban inaakut ibaj wañ ikoko.

2 Kata Koolent 6:5

Kútekolitek ban li kúŋaloli kujow kukul̥. Li kuyitenul ésukayi boot li áloli, ban li kúmukoli li bulok. Li kúhiloli jímooliwum, ban li kúhiloli foof jitiñum.

Búhiisenumabu 19:7

Kásuumaay kulako li ololaal, ulakowaal li ésuumansuum ban li usalaalool! Mata taŋayi yata ébutowayi yata Agálalaanawu éliiŋe, ban aseekool lásangenoole aban.

Búhiisenumabu 21:9

Muñeˈe akee li kumalakaabuku hutok li kúl̥ubaaku kaakenumuu sijunkasu hutok li síl̥ubaasu sameeŋenimuu utekawu hutok li úl̥ubaawu úsolaawu, li abil aanom: — Ubil min íhiisi ábuwaawu, ammuu anaalaawu ata Agálalaanawu.