Maak 16:9 - Jola-Kasa

⁹ [Muñeˈe li bújom bíb, nan Yéesu ayitowumulomuu li eketayi hunak hukaten húyiiyaayahu hata Kusuwifaku, li ajand áfu’ Mali ata ésukayi yata Madala. Okila Yéesu akesoomuu uyinumawu hutok li úl̥ubaawu wajakutumuu úfu’ li akila.

Maak 16:9 Referencias Cruzadas

Máciya 27:56

Li kanaalaabuku umbuku, Mali ata ésukayi yata Madala, li Mali jaaw ata Saak buko Suseef, li jaaw ata bañiilabu bata Sebede, to kulakowe.

Maak 15:40

Li baj foof kanaale kalakowe lóyi min kunaak kúŋandenul. Li kanaalaabuku umbuku, Mali ata ésukayi yata Madala, li Mali jaaw ata Saak Atitawu buko Sóose, li Salome, to kulakowe.

Maak 15:47

Mali ata ésukayi yata Madala, li Mali jaaw ata Sóose li kujuke min kujuk tan Yéesu ahokimuu.

Maak 16:8

Muñeˈe nan kanaalaabuku kúfululumuu li huyaakahu, li kutey mateelene li masegowe kúloyi ho. Bale kulobut an wah mata kúkolikoli.

Hulimahu Hásuumaahu loon Lík akiic homuu 24:10

Kanaalaabuku umbuku buko koonomuu: Mali Madala, Saan li Mali jaawawu ata Saak. Kanaale kaabuku kan kunaboomuu li kulob manolamu kufootalaku.

Hulimahu Hásuumaahu loon Lík akiic homuu 8:2

li foof kanaale kakee kan akesoole uyinum wajakut úfu’ li buko, li kan afakene li úsomut: Mali aaneyimuu Mali Madala, an Yéesu akesoomuu uyinum wajakut woono hutok li úl̥uba úfu’ li okila.

Hulimahu Hásuumaahu loon Saŋ akiic homuu 20:12

Li ajuk kumalaka kúl̥uba kakaanowe wañ wahiite, mabahe tan ehuluŋayi yata Yéesu ehinteneenimuu, akee li buko bata húkowahu, aahu bata kootaku.

Bakaanelabu 20:7

Li líiŋ li hunakahu hútinaalahu hata esimenayi, li jiwoogoo boot kamunculoo húmbuuluwahu. Fool li alako elob li bukanabuku káyinenumuu. Emmuu hunak hukaten láami li ajow, li awaale kale hukahu hujow hulit ŋáa’.

1 Kata Koolent 16:2

Dímaasoodimaas, anoowan li bukuluul laate áfulen sídalam naboo li wahawu wan abajumuu, ahahen jata so boola. Jikaan mo jakum bil íliiŋul, li jikit jijow kayinoo káfulen sídalam jisen.

Búhiisenumabu 1:10

Li líiŋ li hunakahu hata Amaaŋenawu, Buyinumabu Banabaabu li bujokom. Muñeˈe li ijam kata búsolom hulim habaje sembe, hanokoole loon kal̥ok kata kasiin.