Maak 16:14 - Jola-Kasa

¹⁴ Li húbanumahu, Yéesu li afu’ kúgoomaku kuŋen li ano, buko li hutiñ. Li awateteniil min kubajutumuu káyinen, li min kul̥aal̥umuu uyinum, mata kúyinenut li bukanabuku kajukoolumuu nan ayitowulomuu li eketayi.

Maak 16:14 Referencias Cruzadas

Máciya 11:20

Muñeˈe Yéesu li átoŋ awataten sísukasu dán ahaŋumuu makaan wah wájaahaleniye wameeŋe, mata bukanabuku kakin dómuu kubetut búsol buloŋiil buhaan min kuloŋ loon Ateemit afañumuu. Li aan:

Máciya 17:20

Yéesu li aaniil: — Mata káyinenaku kooluul kafamut. Li mal̥egenamu fan ilobuul, káyinenaku kooluul kutitiyeenumuu loon jikool jata anuunukenawu aaneyimuu mutaad, fan joon huyuuyahu unhu: «Uyinno taatu boot baaba,» li huyinno boot bo, ban wah let uheekuul.

Máciya 28:17

Nan kujukumuu Yéesu li kúkuntuŋ hákilool min kumanenool. Bale kukee li buko li kúwettoo.

Maak 7:18

Yéesu li aaniil: — Kama bukuluul foof jiyiliwolut jínaanum? Jihaasut joon bajut wah wan an atiñe wayilo ukaanool min eeni lasikosiko?

Hulimahu Hásuumaahu loon Lík akiic homuu 24:11

Bale Kufootalaku li kuyinoo li koon wahawu wan kanaalaabuku kulobiilumuu bul̥uuhoo, kúyinenutiil.

Hulimahu Hásuumaahu loon Lík akiic homuu 24:25

Muñeˈe Yéesu li aaniil: — Bale mo jikite jíbaamo! Mo jikite jiŋaay káyinen wahawu feh wan kufulofetaku kulobuulumuu!

Hulimahu Hásuumaahu loon Saŋ akiic homuu 20:25

Muñeˈe nan Toma áliiŋulomuu, kúgoom kaabuku li koonool: — Jijuujuk Amaaŋenawu! Bale Toma li aaniil: — Ijukutumuu káakumaku kata sidaajasu li kuŋenaku koola, ban iŋalutumuu husiikahu igo’ tan sidaajasu sibaaŋimuu, ban foof iŋalut kaŋenom igo’ li kahehaku koola, let íyinen.

Hulimahu Hásuumaahu loon Saŋ akiic homuu 20:26

Muñeˈe li baj kunak hutok li kúhaaji, kúgoomaku kata Yéesu li kulaañen kuwoog li eluufayi, ban Toma to lalakowe li buko. Wámbiilawu wata eluufayi ukul̥eenikul̥, bale Yéesu li abil ayito hákiliil, ban li aan: — Kásuumaay kulako li bukuluul!

Hulimahu Hásuumaahu loon Saŋ akiic homuu 20:27

Nan asaafiilumuu aban li aan Toma: — Uŋálul husiikahu hooli ukaan taate min ujuke kuŋenaku kúmbaam. Uŋálul kaŋenaku kooli min ugo’ kahehaku kúmbaam. Jakum úwettoo, bale úyinen!

Hulimahu Hásuumaahu loon Saŋ akiic homuu 21:1

Fúlum tó, Yéesu li alaañ áfu’ kúgoomaku koola bata katantaku kata húwajahu hata Tibeeliyad. Muñeˈe láfuliilumuu eeno.

Hulimahu Hásuumaahu loon Saŋ akiic homuu 21:14

Nan Yéesu ayitowulumuu li eketayi, umbu búhaajutool li áfu’ kúgoomaku koola.

Bakaanelabu 1:3

Nan Yéesu aketumuu aban, li áfu’ Kufootalaku kunak koono kúyii kúl̥uba. Láfuliifu’ min áhiisiil ñameeŋe kaanaku li mal̥egenamu akila ummu li buloŋ, ban li alobiil mata Jáyiiyaju jata Ateemit.

1 Kata Koolent 15:5

Nan ayitowumulomuu li eketayi, li áfu’ Fiyeel, ban li áfu’ foof kufootalaku.

Búhiisenumabu 3:19

Injé fan italen ban li icolen bukanabuku feh kan ifañumuu. Mó mújimuu, loote ukaan manooman, min útiiwo uŋa’ buloŋ buwunkul.