Maak 15:14 - Jola-Kasa

¹⁴ Filat li agel̥l̥eniil aaniil: — Kama waa lakaane wajakut? Bale bukanabuku li kuhaŋ mabaŋulo koon: — Ubaaŋool li ekuluwa!

Maak 15:14 Referencias Cruzadas

Máciya 27:19

Muñeˈe nan Filat abahumuu tan kutiibemuu bukanabuku, aseekool li áhebenul kubil koonool: «Jakum unoken li elobayi yata ánayinaawu ummu akaanutumuu wahoowah, mata síyaat li hukahu lílanlaam ŋáa’ li sísaahut mata akila áji.»

Máciya 27:4

Min aaniil: — Likankaan kahoofoo, min iŋa’muu an akaanut wahoowah ibet li kuŋenuul min joono li jimukool. Bale li koonool: — Waa bútumoli bóomi bo? Awu uhaase!

Máciya 27:54

Anahaanawu ata kusollaali téemeel li kusollaaliyaku kalako tomuu li akila kafooyaku kata Yéesu, li kujuk etaamayi li egoloo li wahawu feh wabajumuu, li kúkoli ŋáa’ min koon: — Li mal̥egenamu, ánayinaawu ummu lalakolako Añiil ata Ateemit!

Maak 15:13

Bukanabuku li kulaañen kubaŋulo koon: — Ubaaŋool li ekuluwa!

Maak 15:15

Muñeˈe Filat li afañ akaan búsukabu súum, li ákatenuliil Balabaas. Ban, li alob min kuŋa’ kukaluwaas min kutek Yéesu kuban, li aseniil o’ kujow kubaaŋ li ekuluwa.

Hulimahu Hásuumaahu loon Lík akiic homuu 23:21

Bale li kulob butiya koonool: — Ubaaŋool li ekuluwa! Ubaaŋool li ekuluwa!

Hulimahu Hásuumaahu loon Lík akiic homuu 23:4

Filat li aan huhaanaahu hata élambaayi li búsukabu: — Injé ijukut wah wan ánayinaawu umme akaane wajakut, waate úji li abaj katek.

Hulimahu Hásuumaahu loon Lík akiic homuu 23:41

Olola, li mal̥egenamu tottook min ubaja katekaku unke, mata wahawu wan ukaanamuu wajakutumuu újimuu li ubaja katekaku unke. Bale okila akaanut wah wajakut.

Hulimahu Hásuumaahu loon Lík akiic homuu 23:47

Nan anahaanawu ata kusollaaliyaku kata Lom, ajukumuu wahawu wabajumuu, li asal Ateemit ban li aan: — Li mal̥egenamu, ánayinaawu ummu lakankaan an acole!

Hulimahu Hásuumaahu loon Saŋ akiic homuu 18:38

Filat li agel̥l̥en Yéesu aanool: — Kama mal̥egenamu mo mommuu sum waa? Nan Filat alobumuu kulimaku unku aban, li alaañen áfulul ajow atook tíyaŋ Kusuwifaku min aaniil: — Injé ijukut li akila butila ban akaane, báami li bújiwom li il̥oofool.

Hulimahu Hásuumaahu loon Saŋ akiic homuu 19:6

Bale nan huhaanaahu hata élambaayi li kufooyaabuku kujeˈe kujukoolumuu, li kulob butiya koon: — Ubaaŋool li ekuluwa! Ubaaŋool li ekuluwa! Filat li aaniil: — Jiŋalool bukuluul humumuul jijow jibaaŋ li ekuluwa. Injé ijukut li akila butila banooban baate bújiwom li il̥oofool.

Bakaanelabu 13:28

Bale maayeet min kujukutumuu li Yéesu butila baate bújiyiil li kumukool, li kul̥aw Filat min alob min kumukool.

Bakaanelabu 19:34

Bale nan kuhaasumuu koon Alekusandul asuwif, buko foofiil feh li kulob butiya li mano kulimaku kanolaku jow yili baj siwaatu síl̥uba koon: — Alitemis ammuu ateemitawu áamakawu ata kata Efées!

Eébulo 7:26

Yéesu okila ammuu kama álambaawu áamakawu ajakumuu boot li alolaal. Lakankaan an anabe, akaanut majakut ban abajut kahoofoo kanookan. Lagiilooligiiloo li kuhoofoolabuku, ban Ateemit li atebenool boot haatiya ajow akaay emitayi.

1 Fiyeel 1:19

bale húsimahu hatiineniyaahu hata Kilisita, ajokimuu loon ágalalaan atilut tanootan ban abajut foof humaw, húsimahu unhu ho Ateemit aŋalumuu min ahal boot li bukuluul.