Maak 14:72 - Jola-Kasa

⁷² Nan alobumuu loon muñaˈa, káyin li kuyaan kul̥ok búl̥ubut. Muñeˈe li awayil̥o hulimahu han Yéesu alobool nomuu aanool: «Fan uceeŋ ñoono ñáhaaji oon luhaasonhaas tówum káyin kul̥ok búl̥ubut.» Muñeˈe Fiyeel li alako to jíl̥ok.

Maak 14:72 Referencias Cruzadas

Máciya 26:34

Yéesu li aanool: — Li mal̥egenamu fan ilobi, li ehukaayi inye humum yo, fan uceeŋ ñoono ñáhaaji oon luhaasonhaas, tówum káyin kul̥ok.

Maak 14:30

Yéesu li aanool: — Li mal̥egenamu fan ilobi, li ehukaayi unye humum yo yata síyaat, awu humumi fan uceeŋ ñoono ñáhaaji oon luhaasonhaas, tówum káyin kul̥ok búl̥ubut.

Maak 14:68

Muñeˈe Fiyeel li aceeŋ min aan: — Ihaasut ban ínaanumut foof waa lulobe li wo. Nan alobumuu loon muñaˈa aban, li áfu’ ajow alako li hugulubahu hata ekaakayi. No unnu káyin li kul̥ok.

Maak 14:71

Muñeˈe Fiyeel li anuu wah wajakut aya li okila humumool aan: — Ihaasut ánayinaawu ummu an jilobemuu li akila.

Hulimahu Hásuumaahu loon Lík akiic homuu 22:60

Bale Fiyeel li aan: — Ihaasut awu waa lufañe ulob. Nan alakomuu elobayi, káyin li kuyaan kul̥ok.

Hulimahu Hásuumaahu loon Lík akiic homuu 22:62

Nan Fiyeel áfululumuu tíyaŋ, li alako bo min al̥ok mal̥ok.

2 Kata Koolent 7:10

Li mal̥egenamu, buyina banaboole li húnongumahu hata Ateemit, bukaanekaan buloŋ bata an min búbuti, min jíwool li afak, ban an let ajok li ehaaseen. Bale buyina babilumulo li bakaanelabu bata adunaayi, bumukemuk.