Maak 14:67 - Jola-Kasa

⁶⁷ Nan agoloolaawu áliiŋulumuu, li ajuk Fiyeel okila li kayiiño. Li ajukelool jow fit, li aanool: — Awu foof lunaanaak unaboo li Yéesu ata ésukayi yata Nasalet.

Maak 14:67 Referencias Cruzadas

Máciya 2:23

Suseef li ajow akin bo, li ésuk yan koone Nasalet, bájum wahawu wan kufulofetaku kulobumuu li ubaj loon kulob womuu: «Fan ahooñi an ata Nasalet.»

Máciya 21:11

Búsukabu banabumuu li akila li boon: — Laalu afulofetawu Yéesu. Nasalet láfummulo, li etaamayi yata Gálile.

Maak 1:24

— Yéesu ata Nasalet, waa lookoolaale? Waa lubiibil boot kájimenoli? Lihaase awu ommuu ayi. Awu ommuu Anawu anabaawu an Ateemit áboñulumuu.

Maak 10:47

Muñeˈe Baatime li ajam kaanaku Yéesu ata ésukayi yata Nasalet áami li ejow, li abaŋulo aan: — Yéesu, Añiil ata Dayit, úyiyenom!

Maak 14:54

Fiyeel li alako lóyi min anaak ánabul li Yéesu, boot yok li ekaakayi yata eluufayi yata anahaanawu ata élambaayi. Nan áliiŋ dómuu, li abah áginnoo li kufooyaaku min alako kayiiño sambun.

Hulimahu Hásuumaahu loon Saŋ akiic homuu 18:18

Emmuu jóobijoobi, kulokaabuku li kufooyaabuku li kútifen sambun min kulako kayiiño. Fiyeel to foof lalakowe li buko, min alako kayiiño.

Hulimahu Hásuumaahu loon Saŋ akiic homuu 19:19

Filat li alobiil foof min kukiic li kababalu kukaan haatiya ekuluwaayi. Muñeˈe kukiicumuu eeno: «Laale Yéesu ata Nasalet, Ayíiyawu ata Kusuwifaku.»

Bakaanelabu 10:38

Jihaase buu Ateemit akaanumuu sembaasu sata Buyinumabu Banabaabu li Yéesu ata ésukayi yata Nasalet. Jihaase foof buu Yéesu ajowumuu tanootan li etaamayi inye, min anaak akaan majake, li afaken bukanabuku feh kan Sayitaane ájufomuu li buko, mata Ateemit li okila lalakowe.