Maak 14:54 - Jola-Kasa

⁵⁴ Fiyeel li alako lóyi min anaak ánabul li Yéesu, boot yok li ekaakayi yata eluufayi yata anahaanawu ata élambaayi. Nan áliiŋ dómuu, li abah áginnoo li kufooyaaku min alako kayiiño sambun.

Maak 14:54 Referencias Cruzadas

Máciya 26:3

Muñeˈe huhaanaahu hata élambaayi li kunahaanaku kata ésukayi, li kujoj li eluufayi yata anahaanawu ata kúlambaaku an koonemuu Kayif.

Máciya 26:58

Bale Fiyeel li alako lóyi min anaak ánabul li Yéesu, boot yok li ekaakayi yata eluufayi yata álambaawu ahaanawu. Nan áliiŋ dómuu, li abah áginnoo li kufooyaabuku min ajuk buu wahawu feh wóomi li úbanum eeno.

Maak 14:38

Jakum jímooli. Jil̥aw jakum bil jilo li jabunt. Buyinumabu bufañe, bale eniilayi égootogooto.

Maak 14:66

Muñeˈe no unnu, Fiyeel okila teetaam li ekaakayi, akee li kugoloolaaku kata anahaanawu ata élambaayi li abil.

Hulimahu Hásuumaahu loon Lík akiic homuu 22:44

Kásabali li kujokool, li ahaŋ mahanken min al̥aw. Egeenayi yoola li enokoo loon kusot kata húsim kálowule teetaam.]

Hulimahu Hásuumaahu loon Lík akiic homuu 22:54

Muñeˈe li kujok Yéesu ban li kújowetumool boot li eluufayi yata anahaanawu ata élambaayi. Fiyeel li alako lóyi min anaak ánabul li buko.

Hulimahu Hásuumaahu loon Saŋ akiic homuu 18:18

Emmuu jóobijoobi, kulokaabuku li kufooyaabuku li kútifen sambun min kulako kayiiño. Fiyeel to foof lalakowe li buko, min alako kayiiño.

Hulimahu Hásuumaahu loon Saŋ akiic homuu 18:25

No unnu, Simoŋ Fiyeel okila li alako to kayiiñowaku. Li koonool: — Awu kele foof ulet akee li kúgoomaku kata ánayinaawu ummu? Bale Fiyeel li aceeŋ min aanool: — A’aa’, inti ínje.