Maak 14:36 - Jola-Kasa

³⁶ Li aan: — Faafa, Atuubawom, bajut wah wayilo uheeki kakaan. Ulóyiyen ejunkayi inyu yata sílaamasu téetiwom. Bale jakum kaan loon ínje ifañumuu, bale loon awu ufañumuu.

Maak 14:36 Referencias Cruzadas

Máciya 26:39

Yéesu li ayinno bo lóyi jakee, li ákuntuŋ min aŋa’ buulool aya li etaam min al̥aw loon muñeˈe: — Faafa, loon kayiliyeenuma, li úloyiyen ejunkayi inyu yata sílaamasu téetiwom. Bale jakum kaan loon ínje ifañumuu, bale loon awu ufañumuu.

Máciya 26:42

Yéesu li alaañen búl̥ubut ayinno bo min al̥aw aan: — Faafa, kaanumuu loon ejunkayi inyu yata sílaamasu eyilaat éloyiyom ínje bahobut yo, jow kaan loon awu ufañumuu.

Máciya 6:9

— Muñeˈe jóotimuu jinaak jil̥aw eeno: «Atúubawoli ammuu haatiya, kajawi kúkaanumi.

Maak 10:27

Yéesu li ajukeliil ban li aan: — Li bukanabuku, an ayilaat afakenoolo, bale inti li Ateemit, mata bajut wah wayilo uheek Ateemit kakaan.

Maak 10:39

Li koon Yéesu: — Olóli jiyilo. Yéesu li aaniil: — Li mal̥egenamu, fan jihob ejunkayi yan ínje emmuu li ihob, ban fan jíbatiiseyi foof loon ínje emmuu li íbatiiseyi.

Maak 14:37

Nan Yéesu abanumuu kal̥awaku, li álaañul boot tan kúgoomaku koola kúhaaji kulakomuu áŋejul, li atookiil buko li kámooli. Muñeˈe li agel̥l̥en Fiyeel aanool: — Simoŋ, waa kámooli? Ubanut uban bayili ulako to ewaatu yano awu bámooliwut?

Hulimahu Hásuumaahu loon Saŋ akiic homuu 12:27

Yéesu li afamen aan: — Muñeˈe yaalom eteke ŋáa’. Waa liyilo ilob? Een fíle: Faafa ufakenom li sílaamasu sammuu li sibajom li ewaatuwayi inye? Bale sílaamasu unsu sata ewaatuwayi inye síjimuu li ibil.

Hulimahu Hásuumaahu loon Saŋ akiic homuu 18:11

Bale Yéesu li aan Fiyeel: — Uhoon ékunduwayi yooli. Waa, kama luyinooyinoo li oon let ihob ejunkayi yata sílaamasu yan Atuubawom asenommuu?

Hulimahu Hásuumaahu loon Saŋ akiic homuu 4:34

Yéesu li aaniil: — Mutiñaayamu múmbaam mo mommuu kakaan wahawu wan anawu áboñulommuu afañumuu, ban li ihabel bulokabu ban asenommuu kakaan.

Hulimahu Hásuumaahu loon Saŋ akiic homuu 5:30

Yéesu li afamen aan: — Injé humumom iyilaat ikaan wahoowah li sembewom. Fan itiib nab li wahawu wan íjamummuu li Atuubaawu, ban batiibelabu búmbaam bucoccol mata iŋesut kakaan loon ifañumuu, bale loon áboñulommuu afañumuu.

Kata Galasi 4:6

Mal̥egen bañiil bata Ateemit joom, mó mújimuu li áboñul Buyinumabu bata Añoolool bubil bulako li uyinumawu woololaal, Buyinumabu balobemuu butiya boon: «Abba! Faafa!»

Kata Fílib 2:8

Li awalenoolo, ban li akaan loon Ateemit aloboolumuu boot yok nan aketumuu, eket yata li ekuluwa.

2 Tímote 2:13

Ulobaalumuu wah ban li úhoolowaal, Akila áhoolowut, Mata ayilaat alob aban li áhooguloolo akila humumool.

Eleetalayi yan Fool akiicumuu Tit 1:2

Leete ikaan mo mantee li kubaj kákangumaku kata buloŋabu bábaneliitumuu. Ateemit ámaleliitumuu, lansaan tówum taŋ yanooyan éliiŋ, fan asenolaal buloŋabu umbu.

Eébulo 6:18

Mo emmuu baje wah úl̥uba wan Ateemit akaane: wahawu wan alobumuu kasen, li hunuulahu han anuulumuu. Wahawu unwu úl̥uba an ayilaat wo áfulen mata Ateemit ayilaat ámal. Wó újimuu li ubajaal kawankulen kabaje sembe, alolaal akataal bomuu waholaal feh min ujokaal li kákangumaku kan kusenolaalumuu.