Maak 14:11 - Jola-Kasa

¹¹ Mal̥egen li kujanten Sudaas li ésuumansuum ló, ban li koon fan kusenool sídalam. Muñeˈe Sudaas li alako huŋes bútin bajake boot min abet Yéesu li kuŋeniil.

Maak 14:11 Referencias Cruzadas

Máciya 26:14

Muñeˈe, akee li kúgoomaku kuŋen li kúl̥uba, an koone Sudaas Isikaaliyot li ajow ajuk huhaanaahu hata élambaayi,

Máciya 26:15

min aaniil: — Waa jifañe jisenom ínje babete Yéesu li kuŋenuul? Li kucob sihanjal sata sídalam soono áyii li kuŋen kusenool.

Maak 14:10

Muñeˈe Sudaas Isikaaliyot, ammuu akee li kúgoomaku, li ajow ajuk huhaanaahu hata élambaayi mantee li abet Yéesu li kuŋeniil.

Maak 14:12

Muñeˈe li líiŋ li hunakahu hútinaalahu hata kagaanaku kata kúmbuuluwaku kakaanutimuu élebiil, nan bágalalaanabu bumukeyimuu boot li Faakayi kata Yéesu li kugel̥l̥enool koonool: — Bay lufañe min jijow jilak sinaaŋasu sata kagaanaku kata Faakayi?

Hulimahu Hásuumaahu loon Lík akiic homuu 22:3

Muñeˈe Sayitaane li enoken Sudaas an koonemuu Isikaaliyot, alakomuu akee li kúgoomaku kuŋen li kúl̥uba kata Yéesu.

1 Tímote 6:10

Li mal̥egenamu, efañ sídalam huhaa’ hata majakut manooman. Kukee síibiisiib kubaj sídalam bil gay, li kúloyi káyinenaku min kukaanoolo buko humumiil sílaam sameeŋe.

Eleetalayi yan Súd akiicumuu 1:11

Katek kujow kulako li buko, mata kunannab li bakaanelabu bata Kayeŋ. Kuliimooliimoo mata sídalam síji, loon Balam akaanumuu. Kuhoohoy Ateemit loon kata Koole kuhoyumuu Móyiis, ban loon kata Koole kuniilomuu mo foof kommuu li kuniilo.