Maak 13:34 - Jola-Kasa

³⁴ Eláañulayi yata Añool-An fan ekittenoolumi li ánayine alakowe li ajow kañaahoo, li akat kulokaaku koola eluufayi yoola kooken. Ban, li asen anoowan li buko bulok ban ammuu li akaan. Muñeˈe li aan ánayinaawu afooyumuu kámbiilaku ajuke to jakum abil ámooli.

Maak 13:34 Referencias Cruzadas

Máciya 16:19

Fan iseni sikul̥umasu sata Jáyiiyaju jata Ateemit. Wahoowah wan úñeyiyene li etaamayi, fan úñeyiyeni li emitayi. Wahoowah foof wan úñeyiyenut li etaamayi, let úñeyiyeni li emitayi.

Hulimahu Hásuumaahu loon Saŋ akiic homuu 10:3

Afooyaawu ata kámbiilaku fan ábabulool, kúgalalaanaku li kujanten hulimahu hoola. Li ahooñ kúgalalaanaku koola hanoohan li kajawaku kata ho, min áfuletum kó tíyaŋ.

Kata Lom 13:6

Wahawu unwu újimuu foof li jinaak jihal. Li mal̥egenamu, bukanabuku kayabemuu búhalabu kuloka koom kata Ateemit boot kakaan bulokabu umbu.

1 Kata Koolent 15:58

Kutuyom kan iboolaat, mó mújimuu jítuk lit ban jakum jíwanwangoo. Jihanken nanoonan min jiŋa’ uyinumuul feh jikaan li bulokabu bata Amaaŋenawu, mata jihaase joon bulokabu bayoonenimuu ban jommuu li kakaanaku boot li Amaaŋenawu, inti kakaal̥o.

Kata Kolos 3:24

min jihaas kaanaku Amaaŋenawu fan asuuhenuul, fan asenuul li wahawu wajakaawu wan akaanumuu li emitayi boot li bukanabuku koola. Anahaanawu ata mal̥egen an bukuluul jilokemuu boot li okila, akila ammuu Amaaŋenawu Kilisita.

Kata Kolos 4:1

Kunahaanake, jinaak jikaan emiikeelayi yooluul wah wacole ban li jijokiil kule keb. Jiwayil̥o kaanaku bukuluul foof jibaje Anahaan li emitayi.

Búhiisenumabu 3:7

— Ukiic amalakaawu ata Ejanguwayi yata Filadelifi oonool: «Anawu Anabaawu ammuu an ata Mal̥egen, aakumuu ekul̥umayi yata áyiiyawu Dayit, ábabulemuu ban an let ayili abab, li abab ban an let ayili ábabul, laane: