Maak 11:14 - Jola-Kasa

¹⁴ Muñeˈe Yéesu li aan bul̥el̥uwabu: — An let alaañen atiñ mutiñaayamu mooli! Kúgoomaku koola kujanjam wahawu wan alobumuu bul̥el̥uwabu.

Maak 11:14 Referencias Cruzadas

Máciya 21:19

Nan alakomuu ejowayi, li ajuk bul̥el̥u li bútinabu. Li ajow boot to. Nan áliiŋ tomuu li ajuk li bul̥el̥uwabu etoj bale. Muñeˈe li aan bo: — Kale, let ubaj mutiñaay boot nanoonan! Bul̥el̥uwabu li buyaan busay.

Máciya 21:33

— Jijanten bukittenoolum bakee: Bile baj an ata etaam al̥uke úbiiñ li bul̥ib. Nan al̥ukumuu úbiiñawu aban, li ateef hukalab áwooñen bul̥ibabu. Ban li awok tan ammuu anaak al̥uuten kúul̥aku kata úbiiñawu, ban foof li ateef káfooyum kagimbe. Nan abanumuu feh, li akat bul̥ibabu li kuŋen kata kuloka úbiiñ min bil kunaak kucaamool to joola, min akila ajow kañaahoo.

Máciya 21:44

An alomuu li huyitikahu unhu, fan ayiisoo feh, ban huyitikahu hulomuu li an, fan hugunjool feh.

Máciya 3:10

Jíkaanum, hufiikumahu hukaani huban tin huhaalahu hata unuunukenawu feh boot kafalen. Kama bunuunuken banooban baatutumuu bubaj ebukoolum yajake, fan bufaleni beten li sambun.

Máciya 7:19

Ban foof bunuunuken banooban, bábukeliit ebukoolum yajake, fan bufaleni beten li sambun.

Maak 11:13

Muñeˈe li aŋanden bul̥el̥u báwuloole, li ajow boot bata bul̥el̥uwabu min ajuk mantee bubabbaj mutiñaay. Nan áliiŋ tómuu, li ajuk li bul̥el̥uwabu etoj bale, mata let no unnu ul̥el̥uwawu ubukemuu.

Maak 11:15

Muñeˈe Yéesu li Kúgoomaku. Nan áliiŋ dómuu, li akesoo bukanabuku kalako lómuu kájulaaku li kalakomuu hunoomahu. Li áhoolul sitaabulasu sata kalakomuu kawecekoolaku kata sídalamasu, li kúbahumaku kata kalakomuu kújulaaku kata síleebaanasu.

Hulimahu Hásuumaahu loon Saŋ akiic homuu 15:6

An alakowutumuu lí ínje, fan abeteni tíyaŋ loon hulund min asay. Kulundaku kasayimuu, fan kuwomeni beten li sambun min kúsulo.

2 Fiyeel 2:20

Li mal̥egenamu, bukanabuku kahaasumuu Yéesu Kilisita ammuu Amaaŋenawu li Afakenaawu oololaal, kukaakat bakaanelabu bajakutumuu bata adunaayi; bale kukatumuu bakaanelabu umbu bajakutumuu min bulaañen búgooteniil ban li buheekiil, buloŋabu booliil bata muñeˈe fan buhaŋ másengi bata naanaŋ.

Búhiisenumabu 22:11

An ájakaatimuu, jakum akat bújakaatiyabu boola. An anaakumuu akaan wah wasetut, jakum akat kakaan wah wasetut. An anaakumuu akaan majake, jakum akat kakaan majake. An aloŋumuu boot li Ateemit, jakum akat buloŋ boot li Ateemit.