Maak 11:1 - Jola-Kasa

¹ Muñeˈe Yéesu li kúgoomaku, li kúliiŋ li ésukayi yata Betifaase li yata Betani, tin loon huyuuyahu hata unuunukenawu wan koonemuu Olíibiye. Yéesu li aboñ bukan kúl̥uba li kúgoomaku koola,

Maak 11:1 Referencias Cruzadas

Máciya 21:17

Fúlum tó, Yéesu li akatiil to min áfu’ li ésukayi ajow boot Betani ajow aŋot bo.

Máciya 24:3

Emmuu Yéesu lajowujow abah li huyuuyahu hata unuunukenawu wan koonemuu Olíibiye, kúgoomaku koola li kúkoojulool baleyiil min kugel̥l̥enool koonool: — Ulóboli, nay wahawu unwu wóomi li ubaj? Waa wóomi li úhiis ebilayi yooli li kabanaku kata adunaayi?

Máciya 26:30

Muñeˈe nan kukijenumuu ukijen wata kasal Ateemit kuban, li kúfu’ kujow boot bata Huyuuyahu hata unuunukenawu waaneyimuu Olíibiye.

Maak 11:2

min aaniil: — Jijow boot li ésukayi yammuu hákiluul. Nan jommuu jíliiŋ, fan jiyaan jijuk hulaaha hata asum makoki, han an álakowolut li ho. Jíl̥el̥ul ho jíŋalul boot taate.

Maak 13:3

Muñeˈe Yéesu li ajow abah li huyuuyahu hata unuunukenawu wan koonemuu Olíibiye, ajooŋoo li Eluufayi yata Ateemit. Fiyeel buko li Saak, li Saŋ, li Andele li kulako baleyiil li Yéesu, li kugel̥l̥enool koonool:

Maak 14:13

Yéesu li aboñ bukan kúl̥uba li kúgoomaku koola min aaniil: — Jijow boot li ésukayi. Fan jifam li ánayine atebe káyijum kata mal. Jinab li akila.

Maak 6:7

Li ahooñ kúgoomaku kuŋen li kúl̥ubaaku min aseniil kayile kata kakesoo uyinumawu wajakutumuu úfu’ li bukanabuku, ban li aaniil kujow kúl̥ubal̥uba ban aboñiilumuu.

Hulimahu Hásuumaahu loon Saŋ akiic homuu 8:1

Bale Yéesu akila li ajow boot bata huyuuyahu haaneyimuu Olíibiye.

Bakaanelabu 1:12

Muñeˈe Kufootalaku li kúlaañum tin huyuuyahu hata unuunukenawu wan koonemuu Olíibiye boot Yeelusalem. Huyuuyahu unhu húloyiwut Yeelusalem. Tan hulakomuu boot Yeelusalem iyilo baj ekilomeet.