Maak 10:49 - Jola-Kasa

⁴⁹ Yéesu li ayiten ban li aan bukanabuku: — Jíhooñulool. Mal̥egen bukanabuku li kúhooñul ánayinaawu áfuumumuu min koonool: — Sákoli, uyito, Yéesu lahooñi.

Maak 10:49 Referencias Cruzadas

Máciya 9:2

Nan áliiŋumuu, li kúŋalulool an abobowe, ahintowe li bukal̥. Nan Yéesu ajukumuu káyinenaku kooliil, li aan anawu abobomuu: — Sákoli añoolom, uhoofoolawu wooli ubonketibonket.

Maak 10:50

Anáyinaawu áfuumumuu li abeten hújufowahu hoola, min ayaan ayito háak, ban li ajow boot bata Yéesu.

Hulimahu Hásuumaahu loon Lík akiic homuu 18:40

Yéesu li ayiten, ban li alob bukanabuku min kúŋalulool ánayinaawu áfuumumuu. Nan ánayinaawu áliiŋulumuu tan alakomuu, Yéesu li agel̥l̥enool aanool:

Hulimahu Hásuumaahu loon Saŋ akiic homuu 11:28

Nan Maaluta alobumuu loon muñaˈa aban, li ajow áhooñul atuyool Mali min abuyunoolool aanool: — Anahaanawu umme taate, ban laane ubil.

Eébulo 2:17

Wahawu unwu újimuu li áati anokoo li kutuyool li wahoowah feh, bájum li alako álamba áamak ayilo káyiyen bukan, ban li al̥egen li bulokabu bata Ateemit min ahal uhoofoolawu wata bukanabuku.

Eébulo 4:15

Lubajaale álamba áamak ahaase mata búgootowabu boololaal. Li mal̥egenamu, álambaawu oololaal labuutoolibuutoo li wahoowah feh loon alolaal, bale akaanut kahoofoo.