Maak 10:11 - Jola-Kasa

¹¹ Yéesu li aaniil: — Anáyine aanumuu aseekool ábalo, ban li áyabul anaale akee, hákil anaalaawu átinaalawu, ánayinaawu ummu lahintenhinten anaale alet oola.

Maak 10:11 Referencias Cruzadas

Máciya 19:9

Bale ínje fan eenuul, ánayine aanumuu aseekool ábalo, ban lakowut anaalaawu ánayine akee ahintenool, min áyabul anaale akee, ánayinaawu ummu lahintenhinten anaale alet oola.

Maak 10:10

Muñeˈe nan kúbalowulumuu kúliiŋul li eluufayi, kúgoomaku li kulaañen kugel̥l̥en Yéesu mata kabanaku kata búyabowabu.

Hulimahu Hásuumaahu loon Lík akiic homuu 16:18

«Anáyine aanumuu aseekool ábalo ban li áyabul anaale akee, ánayinaawu ummu lahintenhinten anaale alet oola, anaalaawu li ahinto li ánayine alet oola. Li bil nokoo loon ánayine ayabe anaale ábalowe bata áyinool, lahintenhinten anaale alet oola, anaalaawu li ahinto li ánayine alet oola.

Kata Lom 7:3

Mó mújimuu, kama anaale ayabowe abajumuu ánayine akee, ban áyinool an kufimmuu min kuyabowe okila li buloŋ, anaalaawu ummu fan ajoki anaale ahintowe li ánayine alet oola; bale áyinool aketumuu, láfule li kuŋenaku kata eluwaayi inyu. Layilo ayabo li ánayine akee, ban let lako lahintohinto li ánayine alet oola.

1 Kata Koolent 7:4

Anaalaawu ayilaat akaan wah wásuumool li eniilayi yoola, mata eniilayi yoola áyinool akil yo. Li manolamu, ánayinaawu foof ayilaat akaan wah wásuumool li eniilayi yoola, mata eniilayi yoola aseekool akil yo.

Eébulo 13:4

Anoowan laate aluuken búyabo. Bukan kayabowe, anoowan li buko laate átij li afaalool. Ateemit fan atiib bukanabuku káfulowe bomuu muñaˈa, li kahintowemuu li bukan kan kuyabowut.