Hulimahu Hásuumaahu loon Lík akiic homuu 9:20 - Jola-Kasa

²⁰ Yéesu li agel̥l̥eniil aaniil: — Bukuluul li joon ínje emmuu ayi? Fiyeel li aanool: — Awu ommuu Afakenaawu an Ateemit áboñulumuu.

Hulimahu Hásuumaahu loon Lík akiic homuu 9:20 Referencias Cruzadas

Máciya 22:42

— Buu jiyinoole li Afakenaawu? Añool ayi laam? Kufaaliisiyeŋaku li koonool: — Afakenaawu Añiil ata Dayit.

Máciya 26:63

Bale Yéesu abagut. Alámbaawu áamakawu li aanool: — Lil̥awi li kajaw kata Ateemit aloŋumuu. Ulóboli mantee awu ommuu Afakenaawu, Añiilawu ata Ateemit.

Máciya 5:47

Ban jinaakumuu jisaaf kutuyuul bale, waa jikaan to waluuke. Kama inti maayeet bukanabuku kákaanumutumuu li Ateemit balewool, kukaanekaan mo?

Maak 14:61

Bale Yéesu abagut. Alámbaawu ahaanawu li alaañen agel̥l̥enool aanool: — Awu ommuu Afakenaawu, Añiilawu ata Ateemit asaleyimuu?

Maak 8:29

Yéesu li agel̥l̥eniil aaniil: — Yoo, bukuluul li joon ínje emmuu ayi? Fiyeel li aanool: — Awu ommuu Kilisita.

Hulimahu Hásuumaahu loon Lík akiic homuu 22:67

Li kugel̥l̥en Yéesu koonool: — Ulóboli, awu ommuu Afakenaawu? Yéesu li aaniil: — Eenuulumuu ínje emmuu Afakenaawu, let jíyinenom.

Hulimahu Hásuumaahu loon Lík akiic homuu 9:19

Kúgoomaku li koonool: — Kukee koone awu ommuu Saŋ Batiis, kaabuku li koon awu ommuu Elí, kukee foof li koon awu akee li kufulofetaku kata no ayitowumulo li eketayi.

Hulimahu Hásuumaahu loon Saŋ akiic homuu 1:41

Andele li ajand ajow ajuk atuyool Simoŋ, min aanool: — Jijuke Afakenaawu, (yo yommuu «Kilisita»).

Hulimahu Hásuumaahu loon Saŋ akiic homuu 1:49

Muñeˈe Natanayeel li aanool: — Anahaan, awu ommuu Añiilawu ata Ateemit, awu ommuu áyiiyawu ata Isilayeel!

Hulimahu Hásuumaahu loon Saŋ akiic homuu 11:27

— Eéhe’, Anahaan, líyinene kaanaku awu ommuu Afakenaawu, Añiilawu ata Ateemit, áatimuu abil li adunaayi.

Hulimahu Hásuumaahu loon Saŋ akiic homuu 20:31

Bale wahawu wakiicimuu li éliibalayi inye, ukiicikiic mantee li jíyinen kaanaku Yéesu ammuu Kilisita, okila ammuu Añiilawu ata Ateemit. Ban jíyinenumuu li akila, fan jíbajum buloŋabu li kajawaku koola.

Hulimahu Hásuumaahu loon Saŋ akiic homuu 4:29

— Jibil jijukom ánayinaaye alobommee wahawu wan ikaanumuu feh. Lenseen okila ammuu Afakenaawu, inti mo fíle?

Hulimahu Hásuumaahu loon Saŋ akiic homuu 4:42

Kata Samali li koon anaalaawu: — Muñeˈe inti mata wahawu wan úlobolimuu bale újiwoli li jíyinen, bale min áloli húmumoli jijamoolumuu li alob; ban jihaase joon akila ammuu mal̥egen Afakenaawu ata adunaayi.

Hulimahu Hásuumaahu loon Saŋ akiic homuu 7:41

Kaabuku li koon: — Okila ammuu Afakenaawu. Bale kukee li koon: — Afakenaawu layilo fíle abilumul li etaamayi yata Gálile?

Bakaanelabu 17:3

Li akitteniil ban li áhiisiil kaanaku loon Hulimahu hata Ateemit hulobumuu, Afakenaawu laate álaam ban li ayitowumul li eketayi. Li aaniil: — Yéesu an ilobemuu li bukuluul moola, okila ammuu Afakenaawu.

Bakaanelabu 8:36

Emmuu ejowayi kulakowe li bútinabu, li kúliiŋ tikee tin baje mal. Anáyinaawu ata Ecofi li aan Fílib: — Mal mummu! Waa woote úhilom íbatiisewumi? [

Bakaanelabu 9:22

Bale bawaaleyelabu bata Sóol li bunaak buhaŋ mabaj sembe. Kusuwifaku.

1 Saŋ 5:1

An áyinenumuu kaanaku Yéesu ammuu Kilisita, anawu ummu añiil ata Ateemit laam. Ban an áboolimuu Ateemit Atuubaawu, anawu ummu fan ábooli foof bañiilabu bata Ateemit.