Hulimahu Hásuumaahu loon Lík akiic homuu 9:18 - Jola-Kasa

¹⁸ Li líiŋ hunak hakee, Yéesu li alako li kakaŋ balewool min al̥aw, kúgoomaku koola li kubil kutookulool to. Li agel̥l̥eniil aaniil: — Kama muñowu ésukayi yoone ínje emmuu ayi?

Hulimahu Hásuumaahu loon Lík akiic homuu 9:18 Referencias Cruzadas

Máciya 14:23

Nan Yéesu alobumuu búsukabu min buyiisoo aban, li aŋito li huyuuy ajow al̥aw ló balewool. Banakabu li bujon, akila buloŋe ló liwoonool.

Máciya 26:36

Muñeˈe Yéesu li kúgoomaku koola li kujow boot tan koone Getisemane, kúliiŋ li aaniil: — Jibah taate mín ínje ijow baaba kal̥aw.

Hulimahu Hásuumaahu loon Lík akiic homuu 11:1

Li líiŋ hunak hakee, Yéesu li alako kal̥aw tikee. Nan abanumuu kal̥awaku, akee li kúgoomaku koola li aanool: — Anahaan, úliikenoli kal̥aw Ateemit, loon Saŋ aliikenumuu kúgoomaku koola kal̥aw.

Hulimahu Hásuumaahu loon Lík akiic homuu 3:21

Nan Saŋ Batiis ábatiisemuu ésukayi feh aban, li ábatiise foof Yéesu. Nan Yéesu alakomuu kal̥awaku, emitayi li ébabulo.

Hulimahu Hásuumaahu loon Lík akiic homuu 6:12

No unnu, Yéesu li ajow aŋito li huyuuy boot kal̥aw, ban li alako bo ehukaayi feh kal̥aw Ateemit.

Hulimahu Hásuumaahu loon Lík akiic homuu 9:19

Kúgoomaku li koonool: — Kukee koone awu ommuu Saŋ Batiis, kaabuku li koon awu ommuu Elí, kukee foof li koon awu akee li kufulofetaku kata no ayitowumulo li eketayi.

Hulimahu Hásuumaahu loon Lík akiic homuu 9:28

Muñeˈe nan Yéesu alobumuu kulimaku unku jow yili baj kunak koono hútok lí kúhaaji, li aŋa’ Fiyeel, Saŋ li Saak kuŋito li huyuuy boot kul̥aw.

Hulimahu Hásuumaahu loon Lík akiic homuu 9:29

Nan Yéesu alakomuu kal̥awaku, buulabu boola li búbutoo, wañawu woola li uhiit falala’.