Hulimahu Hásuumaahu loon Lík akiic homuu 9:11 - Jola-Kasa

¹¹ Nan búsukabu bujamumuu, li bunabenool. Yéesu li ayabiil jak, ban li alobiil mata Jáyiiyaju jata Ateemit. Li afaken kásomutumuu kafañumuu min kufak.

Hulimahu Hásuumaahu loon Lík akiic homuu 9:11 Referencias Cruzadas

Máciya 12:15

Bale nan Yéesu ahaasumuu aan Kufaaliisiyeŋaku kufanfañ min kumukool, li ayinno tan alakomuu. Bukan kameeŋe li kunab li akila. Li afaken kásomutumuu feh.

Máciya 14:14

Nan Yéesu áwalowulumuu li busaanaabu, li ajuk búsuk báamak, li áyiyen min afaken kásomutumuu li buko.

Máciya 21:31

Muñowu ayi li buko kúl̥uba akaanumuu wahawu wan atuubawool afañumuu? Li koonool: — Atínaalawu. Yéesu li aaniil: — Li mal̥egenamu fan ilobuul, bukanabuku kayabemuu búhal li bukanabuku káfulowe bomuu muñaˈa fan kujanduul kunoken li Jáyiiyaju jata Ateemit.

Máciya 21:43

Wahawu unwu újimuu fan eenuul, Jáyiiyaju jata Ateemit fan jiyabi li kuŋenuul, min jiŋali sen bukan kaate kútuul Hulimahu hata Ateemit.

Hulimahu Hásuumaahu loon Lík akiic homuu 1:53

Lasensen ebaj yáamak kacaaletumuu, min alaañen kabajumuu kúbalo, kuŋeniil kuŋen.

Hulimahu Hásuumaahu loon Lík akiic homuu 5:31

Yéesu li aaniil: — Inti bukan kásomutut joke li abuntena, bale kásomutumuu joke li abuntena.

Hulimahu Hásuumaahu loon Lík akiic homuu 8:1

Muñeˈe li fiyo jakee, Yéesu li ajow li sísukasu sáamakasu li básukabu batitabu, ajow ayiiŋen ban li awaale bo Hulimahu Hásuumaahu hata Jáyiiyaju jata Ateemit. Kúgoomaku koola kuŋen li kúl̥ubaabuku, li kunab li okila,

Hulimahu Hásuumaahu loon Lík akiic homuu 8:10

Yéesu li aaniil: — Ateemit lakaanuukaan jihaas wahawu wahaasutimuu wata Jáyiiyaju joola. Bale kaabuku fan kújamum wahawu unwu li búkittenolum bájum: «Li kujuke, ban let kujuk, li kujam, ban let kúnaanum.»

Hulimahu Hásuumaahu loon Lík akiic homuu 9:10

Muñeˈe nan kufootalaku kúlaañulumuu, li kukitten Yéesu wahawu feh wan kukaanumuu. Yéesu li aŋaliil, min kuñako kujow kulako baleyiil li halaab hata ésuk yakee yan koone Betisayida.

Hulimahu Hásuumaahu loon Lík akiic homuu 9:12

Emmuu banakabu bo bajowe boot kajon, kúgoomaku kuŋen li kúl̥ubaabuku li kuloh Yéesu min koonool: — Ulob búsukabu min bujow boot li sísukasu, li siluufasu sammuu li halaabahu hata so, mantee li kubaj bo tan kóomi li kuŋot li wah wan kóomi li kutiñ. Mata taate tan oomaamee, wayitowayito.

Hulimahu Hásuumaahu loon Lík akiic homuu 9:2

Fúlum tó, li aboñiil kujow kawaale Jáyiiyaju jata Ateemit, min kufaken kásomutumuu.

Hulimahu Hásuumaahu loon Saŋ akiic homuu 4:34

Yéesu li aaniil: — Mutiñaayamu múmbaam mo mommuu kakaan wahawu wan anawu áboñulommuu afañumuu, ban li ihabel bulokabu ban asenommuu kakaan.

Hulimahu Hásuumaahu loon Saŋ akiic homuu 6:37

Anoowan an Atuubaawu asenom fan abil búmba, ban an abilumuu búmba manooman let ibetenool tíyaŋ,

Bakaanelabu 28:31

Fool li anaak awaale bukanabuku mata Jáyiiyaju jata Ateemit, ban li anaak aliiken bukanabuku mata Amaaŋenawu li mal̥egenool, ban bajut an áhilool ákaanum mo.

Kata Lom 10:14

Buu kama bukanabuku umbuku koote kuyili kúkangum li kajawaku koola buko báyinenut li akila? Ban buu koote kuyili kúyinen li akila buko bajamut an li alob moola? Buu foof koote kuyili kujam an li alob moola an bawaalewut moola?

Kata Lom 10:17

Mo emmuu, káyinenaku kubilumbilum li kajanten hulimahu hawaaleyimuu, hulimahu unhu hawaaleyimuu ho hommuu Hulimahu hata Kilisita.

Kata Lom 15:3

Li mal̥egenamu, Kilisita aŋesut wahawu wásuumoolumuu, bale loon Kilisita alobumuu Ateemit li Bakiicelabu: «Ugelawu wata bukanabuku kagelemuu li awu, lí ínje ulowe.»

2 Tímote 4:2

uhanken min uwaale bukanabuku Hulimahu hata Ateemit, súum súumut. Uceeŋiil, li uwatateniil ban li uwankuleniil, ban li ubeben min uliikeniil ho.

Eébulo 4:16

Lootaale kama ukoojaal li káwoolu ló, efenjeŋayi yata kájiyaku yata Ateemit, mantee li ubajaal káyiyen li káji, ban li ubajaal kalamben nan emmuu jokolaal li ko.