Hulimahu Hásuumaahu loon Lík akiic homuu 9:1 - Jola-Kasa

¹ Yéesu li áhooñul kúgoomaku koola kuŋen li kúl̥uba kubil kuwoog, min aseniil sembe li kayile kata kakesoo uyinumawu wajakutumuu li kata kafaken bukan kásomute.

Hulimahu Hásuumaahu loon Lík akiic homuu 9:1 Referencias Cruzadas

Máciya 16:19

Fan iseni sikul̥umasu sata Jáyiiyaju jata Ateemit. Wahoowah wan úñeyiyene li etaamayi, fan úñeyiyeni li emitayi. Wahoowah foof wan úñeyiyenut li etaamayi, let úñeyiyeni li emitayi.

Máciya 4:24

Mó lí múji Yéesu li ajamo li etaamayi feh yata Siili. Muñeˈe li kunaak kúŋalulool bukan kata úsomut wanoowan, li jilum janoojan; bukan kan Sayitaane ájufoye, bukan katujowe, li kubob. Yéesu li afakeniil.

Máciya 8:9

Injé humumom libaje kunahaanom, ban libaje kusollaali kan ihine éemi anahaaniil. Eenumuu umme: «Ujow!», li ajow. Li een umma: «Ubil», li abil. Eenumuu foof alokaawu úmbaam: «Ukaan wahawu unwe,» li akaan wo.

Hulimahu Hásuumaahu loon Lík akiic homuu 10:1

Nan fú’ tómuu, Amaaŋenawu li al̥us kúgoom kukee koono kúyii kúhaaji li kuŋen li kúl̥uba. Ban li aboñiil kúl̥ubal̥uba kujow ló boot li sísukasu feh, li tinootin tin akila humumool áami li ajow.

Hulimahu Hásuumaahu loon Lík akiic homuu 10:19

Jijanten, lisenuusen sembe sata min jíjowum li sinuukayila, li sil̥anguu, min jiheek sembaasu feh sata alatoolaawu. Ban wahoowah wajakut let ubajuul.

Hulimahu Hásuumaahu loon Saŋ akiic homuu 14:12

Li mal̥egenamu fan ilobuul, an áyinenumuu lí ínje, fan akaan foof wahawu wan ikaanumuu. Fan ayili foof akaan wah wahaŋ to, mata ínje boot min ijow bata Atuubaawu.

Bakaanelabu 1:8

Bale fan jibaj sembe nan Buyinumabu Banabaabu bommuu li búwalowul bubil bulako li bukuluul. No unnu, fan jilako bukan kalobe múmbaam ésukayi. Fan jilob múmbaam li ésukayi yata Yeelusalem, li etaamayi feh yata Súde li yata Samali, boot yok ban etaamayi ébanummuu.

Bakaanelabu 3:16

Muñeˈe bukuluul jijuke ánayinaawu ummu. Jihaasool. Sembaasu sata kajawaku kata Yéesu sifakenoolumuu, mata áloli jíyinenyinen li akila. Káyinenaku unku kan áloli jibajumuu li Yéesu, kó kújimuu ánayinaawu ummu li afak hákiluul feh.

Bakaanelabu 4:30

Uhíis sembaasu sooli mantee bukan kásomute li kufak, búhiisenum, li wah wájaahaleniye li úkaanumi li kajaw kata alokaawu uya anabaawu ammuu Yéesu.»

Bakaanelabu 9:34

Fiyeel li aanool: — Ene, Yéesu Kilisita lafakeni! Uyito ubooñ awu humumi bukal̥abu booli! Ene li ayaan ayito.