Hulimahu Hásuumaahu loon Lík akiic homuu 8:25 - Jola-Kasa

²⁵ Muñeˈe Yéesu li aan kúgoomaku koola: — Káyinenaku kooluul kunkay? Bale kúgoomaku li kúkoli ŋáa’, ban li kusego. Li kunaak kugel̥l̥enoo koon: — Kama ánayinaawu ummu fíle okila ammuu ayi, an emmuu alobumuu maayeet li élusayi li étuulool, li malamu li mútuulool?

Hulimahu Hásuumaahu loon Lík akiic homuu 8:25 Referencias Cruzadas

Máciya 14:31

Yéesu li ayaan atooken ájokulool, ban li aanool: — Mo káyineni kukite kutiti! Wáa újiye li úwettoo?

Máciya 17:20

Yéesu li aaniil: — Mata káyinenaku kooluul kafamut. Li mal̥egenamu fan ilobuul, káyinenaku kooluul kutitiyeenumuu loon jikool jata anuunukenawu aaneyimuu mutaad, fan joon huyuuyahu unhu: «Uyinno taatu boot baaba,» li huyinno boot bo, ban wah let uheekuul.

Máciya 6:30

Ateemit afan ásangen élunfenayi inyu yammuu síyaat li siŋamasu, yan jihaasumuu joon kajom fan ebeteni li sambun, háŋum bukuluul humumuul? Mó káyinenuul kukite kutiti!

Máciya 8:10

Nan Yéesu ajamumuu kulimaku unku, li asego ŋáa’. Li aan kanabumuu li akila: — Li mal̥egenamu, boot min ilobuul, ijukolut híndo Isilayeel an abaje káyinen lí ínje loon ánayinaawu ummu.

Máciya 8:26

Bale Yéesu li aaniil: — Mó káyinenuul lí ínje kukite kutiti! Wáa újiye li jíkoli? Muñeˈe nan Yéesu ayitomuu, li anuuloo búlusabu li malamu mata húwajahu. Li lulenoo lul.

Maak 4:35

Muñeˈe li líiŋ hunakahu unhu kátiim, Yéesu li aan kúgoomaku koola: — Ulimbaal boot kageb kaaka húwajahu!

Hulimahu Hásuumaahu loon Lík akiic homuu 12:28

Ateemit afan ásangen élunfenayi inyu, yammuu síyaat li siŋamasu, yan jihaasumuu joon kajom fan ebeteni li sambun, háŋum bukuluul humumuul? Mó káyinenuul kukite kutiti!

Hulimahu Hásuumaahu loon Lík akiic homuu 8:24

Kúgoomaku li kukooj Yéesu min kúliwool ban li koonool: — Anahaan, Anahaan ummuwaal li újimaal! Nan Yéesu áliwomuu, li anuuloo búlusabu li kulambajaku, li yeelen. Li lulenoo lul.

Hulimahu Hásuumaahu loon Lík akiic homuu 8:26

Muñeˈe Yéesu li kúgoomaku koola li kuya busaanaabu booliil li etaamayi yata kata Gelasa, bújooŋoo etaamayi yata Gálile.

Hulimahu Hásuumaahu loon Saŋ akiic homuu 11:40

Yéesu li aan Maaluta: — Kama eenuti úyinenumuu, fan ujuk máyiineniyamu mata Ateemit?