Hulimahu Hásuumaahu loon Lík akiic homuu 8:16 - Jola-Kasa

¹⁶ — An let ayaben ehiitum aban li aŋa’ éking min áhimen yo, mantee foof li akaan yo kata láala elal. Bale, fan aŋa’ yo akaan li yiil bájum bukan kúnokenulumuu li eluufayi, li kujuk mawuŋeyamu.

Hulimahu Hásuumaahu loon Lík akiic homuu 8:16 Referencias Cruzadas

Hulimahu Hásuumaahu loon Lík akiic homuu 11:33

— An let ayaben ehiitum aban li aŋa’ yo akaan tan yolowe, mantee foof li aŋa’ yo akaan [kata láala éking]. Bale fan aŋa’ yo akaan li yiil, bájum bukan kúnokenulumuu li eluufayi, li kujuk mawuŋaamu.

Hulimahu Hásuumaahu loon Lík akiic homuu 8:15

Etaamayi yajakumuu, yo yommuu bukanabuku kajamumuu Hulimahu hata Ateemit kuban, li kuyab ho li buyinum bajake ban li kul̥egen. Li kuhanken min kútuk káyinenaku kooliil lit yok kubaj ebukoolum.

Bakaanelabu 26:18

Boot min iboñi ujow úbabul kúkilaku kooliil, li úfulenuliil li élimayi kubil kulako li mawuŋe, li úfulenuliil foof li kaŋenaku kata Sayitaane kubil kulako bata Ateemit; bájum kúyinenumuu lí ínje, li kubaj kabonket kata uhoofoolawu wooliil, min kubaj bútowowiil li bukanabuku kan Ateemit akilumuu.

Búhiisenumabu 1:20

Wahawu wahaasutimuu wata siwuutasu hutok lí síl̥ubaasu san ujukumuu li kaŋenom kúli, li sihiitumasu hutok lí síl̥ubaasu sata éwulusayi wo wommuu unwe: siwuutasu hutok lí síl̥ubaasu so sommuu kumalakaaku kata Sijanguwasu hutok lí síl̥ubaasu, sihiitumasu hutok lí síl̥ubaasu so sommuu Sijanguwasu hutok lí síl̥ubaasu.

Búhiisenumabu 11:4

Bukanabuku umbuku kúl̥uba kammuu li kúlobul li kajawaku kúmbaam buko kommuu unuunukenawu úl̥ubaawu wan koonemuu óliibiye, li sihiitumasu síl̥ubaasu. Buko kuyitomuu hákil Amaaŋenawu ata etaamayi.