Hulimahu Hásuumaahu loon Lík akiic homuu 7:6 - Jola-Kasa

⁶ Muñeˈe Yéesu li anaboo li kunahaanabuku kata Kusuwifaku kuwuj. Nan kulehenumuu eluufayi yata anahaanawu ata kusollaaliyaku kata Lom, li áboñul kufaalool kubil koon Yéesu: — Anahaan jakum uyok, mata itookut min únokenul búmbaam.

Hulimahu Hásuumaahu loon Lík akiic homuu 7:6 Referencias Cruzadas

Máciya 20:28

Mo foof Añool-An abilutumuu boot min abaj emiikeel, bale min alako amiikeel. Ban li asen buloŋool bulako búhal boot li bukan kameeŋe.

Máciya 3:11

Injé, li mal̥egenamu, li mal li bátiisewumuul boot káhiis kaanaku jibeebet búsol uhoofoolawu wooluul, min jiŋa’ buloŋ buwunkul. Bale anawu ammuu li abil búsolom, lahaŋom sembe. Itookut min ífulen sidallaasu soola. Akila fan ábatiisewuul li Buyinumabu Banabaabu, li sambun.

Maak 5:24

Mal̥egen Yéesu li ajow kunaboo. Búsuk báamak li bunab li akila, gay bukanabuku li kunaak kuñuññoo téetiwool.

Hulimahu Hásuumaahu loon Lík akiic homuu 5:8

Nan Simoŋ Fiyeel ajukumuu loon muñaˈa, li ákuntuŋ hákil Yéesu min aan: — Anahaan, úloyiyom, mata ínje ahoofoola.

Hulimahu Hásuumaahu loon Lík akiic homuu 7:4

Kunahaanaku kata Kusuwifaku li kujow kutook Yéesu min kuyaakoolool mayaakoo koonool: — Anáyinaawu ummu latootook min ulambenool.

Hulimahu Hásuumaahu loon Lík akiic homuu 7:5

Mata lafanfañ bukanabuku koololaal, ban akila ájimuu eluufayi yoololaal yata kal̥awaku li eteefi.

Hulimahu Hásuumaahu loon Lík akiic homuu 7:7

Mó mújimuu, ikaañenut ínje humumom ibil itooki. Bale ulob hulim hano bale, alokaawu úmbaam fan afak.

Hulimahu Hásuumaahu loon Lík akiic homuu 8:49

Nan Yéesu alakomuu elobayi, akee li áfulumul bata Jáyilis ammuu anahaanawu ata eluufayi yata kal̥awaku, abil aanool: — Jáyilis, jísungutaaju jooli jikete. Jakum umit uyoken Anahaanawu.

Bakaanelabu 10:38

Jihaase buu Ateemit akaanumuu sembaasu sata Buyinumabu Banabaabu li Yéesu ata ésukayi yata Nasalet. Jihaase foof buu Yéesu ajowumuu tanootan li etaamayi inye, min anaak akaan majake, li afaken bukanabuku feh kan Sayitaane ájufomuu li buko, mata Ateemit li okila lalakowe.

Saak 4:10

Jiwalenoolo hákil Amaaŋenawu, fan atebenuul.

Saak 4:6

Bale Ateemit li amit asenolaal káji káamak, mata Bakiicelabu bonsoon: «Ateemit lahoohoy bukanabuku katebenoolomuu, min ásuum li kawalenoolomuu.»