Hulimahu Hásuumaahu loon Lík akiic homuu 7:30 - Jola-Kasa

³⁰ Bale Kufaaliisiyeŋaku li kaliikenemuu ésukayi eluwaayi ésukayi eluwaayi yata Móyiis, kafañutumuu min Saŋ ábatiiseyiil, kuhoohoy wahawu wan Ateemit afañumuu boot li buko.

Hulimahu Hásuumaahu loon Lík akiic homuu 7:30 Referencias Cruzadas

Máciya 22:35

Muñeˈe akee li buko, aliikena ésukayi Eluwaayi yata Móyiis, li agel̥l̥en Yéesu kagel̥l̥en kata jabuutoo aanool:

Hulimahu Hásuumaahu loon Lík akiic homuu 13:34

«Aah Yeelusalem, Yeelusalem, awu jamukemuu kufulofetaku, ban li utek kuyitik bukanabuku kan Ateemit áboñulimuu umuk! Ñoono ñeem ínje ifañeenumuu min íwomenul bañooli ikaan tin tano loon emanjuk éwomenulemuu bacow yo ekaan kata láala kubeyaku kata yo. Bale jifañut.

Hulimahu Hásuumaahu loon Lík akiic homuu 20:6

Bale oonaamuu «Bukan kusenool ko», búsukabu feh fan bútekulolaal kuyitik bumuk, mata búyinenyinen kaanaku Saŋ afulofet.

Hulimahu Hásuumaahu loon Lík akiic homuu 7:31

Yéesu li alaañen aan: — Li ayi leete ikittenoolum bukanabuku kata muñeˈe? Li bukay kunokoole?

Bakaanelabu 20:27

Mata líhiisuuhiis wahawu feh wan Ateemit afañumuu kakaan, ban iyoloolutuul wahoowah.

Kata Lom 10:21

Ateemit li alob aya li Isilayeel aan: «Etihunakaayi feh fan ilaaw kuŋenom ijooŋoo li bukan kátuulutom, bukan kabetom búsol, manteyeen li jijamoo.»

2 Kata Koolent 6:1

Emmuu áloli dín dáno jílokume li Ateemit, wahawu wan jommuu li kayaakooluul foof wo wommuu, jakum jiyab kájiyaku kata Ateemit jihinten to.

Kata Galasi 2:21

Ilet li ihoy kájiyaku kata Ateemit. Li mal̥egenamu, nokoomuu loon li eluwaayi an áami li ájowum min eeni lacoccol hákil Ateemit, kama Kilisita lakeeket boot maayiiñ.

Kata Efées 1:11

Ateemit lakaanekaan wahawu feh min ubaj loon afañumuu. Lál̥usolil̥us áloli Kusuwifaku nan fiyowe ŋáa’ min jilako bukan koola, li hujokoolahu hóololi li Kilisita.