Hulimahu Hásuumaahu loon Lík akiic homuu 7:16 - Jola-Kasa

¹⁶ Bukanabuku kalako tomuu feh li kúkoli. Li kunaak kusal Ateemit koon: — Afulofet áamak láfululo li alolaal. Li koon foof: — Ateemit labile kalamben bukanool.

Hulimahu Hásuumaahu loon Lík akiic homuu 7:16 Referencias Cruzadas

Máciya 15:31

Muñeˈe búsukabu li busego ŋáa’ nan kujukumuu kukumbaku li kúlobul, utankiñawu li ufak, kakajumuu li kujow jak, káfuumumuu li kujuk. Li kúbinken Ateemitawu ata Isilayeel.

Máciya 21:11

Búsukabu banabumuu li akila li boon: — Laalu afulofetawu Yéesu. Nasalet láfummulo, li etaamayi yata Gálile.

Máciya 28:8

Mal̥egen kanaalaabuku li kúfulul li huyaakahu li esommen li ekole ló, bale foof li ésuumahukow yáamak, kutey kujow kulob kúhebenaku kúgoomaku kata Yéesu.

Máciya 9:8

Nan búsukabu bujukumuu wahawu unwu, li búkoli ban li busal Ateemit asenumuu bukanabuku kayile loon unku.

Hulimahu Hásuumaahu loon Lík akiic homuu 1:65

Kukinoolool feh li kúkoli. Wahawu unwu feh li uhebooli li etaamayi yata kuyuuyaku kata Súde.

Hulimahu Hásuumaahu loon Lík akiic homuu 1:68

— Usalaal Amaaŋenawu, mata labiibil kalamben ésukayi yoola, min afaken yo.

Hulimahu Hásuumaahu loon Lík akiic homuu 19:44

Fan kúbuji foofi feh, awu li bukanabuku kakinumuu li awu; ban let kukat maayeet huyitik hano min hulemboo li hufaal ho. Mata uhaasut taŋayi nan Ateemit abilumuu boot kafakeni.

Hulimahu Hásuumaahu loon Lík akiic homuu 2:20

Fúlum tó, kumataabuku li kulaañ bóot. Li kulako kasal li kábinken Ateemit, buko li bóotabu, mata wahawu feh wan kujamumuu li wan kujukumuu, ubabbaj loon amalakaawu alobiil womuu.

Hulimahu Hásuumaahu loon Lík akiic homuu 24:19

Yéesu li aaniil: — Wah way? Kúgoomaku kúl̥ubaaku li koonool: — Wahawu wabajumuu Yéesu ata Nasalet! Lakankaan afulofet. Bakaanelabu boola bubabbaj sembe li kulimaku koola, hákil Ateemit li hákil ésukayi feh.

Hulimahu Hásuumaahu loon Lík akiic homuu 5:26

Bukanabuku feh li kusego ŋáa’. Li kusal Ateemit, li ekole ló min kunaak koon: — Lujukaale síyaat wah wájaahaleniye ŋáa’.

Hulimahu Hásuumaahu loon Lík akiic homuu 5:8

Nan Simoŋ Fiyeel ajukumuu loon muñaˈa, li ákuntuŋ hákil Yéesu min aan: — Anahaan, úloyiyom, mata ínje ahoofoola.

Hulimahu Hásuumaahu loon Lík akiic homuu 7:15

Mal̥egen aketaawu li ayito abah, min alako elob. Yéesu li alaañenool asen jaawool.

Hulimahu Hásuumaahu loon Lík akiic homuu 7:39

Nan afaaliisiyeŋawu ahooñumuu Yéesu boot boola, ajukumuu loon muñaˈa, li aan li buyinumool: «Anáyinaawu ummu alakoweenumuu li mal̥egen afulofet, fan ahaaseen anaalaawu ummu agolemuu loo, okila ammuu ayi. Fan ahaaseen aan laalu anaale ata buloŋ bajakut.»

Hulimahu Hásuumaahu loon Lík akiic homuu 8:37

Muñeˈe bukanabuku feh kakinumuu li etaamayi yata ésukayi yata Gelasa li koon Yéesu áfu’ booliil, mata kúkolikoli ŋáa’. Mal̥egen Yéesu li ájufo li busaanaabu min átiiwo alaañ.

Hulimahu Hásuumaahu loon Lík akiic homuu 9:19

Kúgoomaku li koonool: — Kukee koone awu ommuu Saŋ Batiis, kaabuku li koon awu ommuu Elí, kukee foof li koon awu akee li kufulofetaku kata no ayitowumulo li eketayi.

Hulimahu Hásuumaahu loon Saŋ akiic homuu 1:21

Li kugel̥l̥enool koonool: — Kama awu ommuu ayi? Awu ommuu Elí? Li aaniil: — A’aa’, inti ínje emmuu Elí. Li koonool: — Awu ommuu Afulofetawu? Saŋ li aaniil: — A’aa’!

Hulimahu Hásuumaahu loon Saŋ akiic homuu 1:25

Li kugel̥l̥enool koonool: — Emmuu kama ulet Afakenaawu, ulet Elí, ulet foof Afulofetawu, kama wáa újiye lóomi li kábatiise bukan?

Hulimahu Hásuumaahu loon Saŋ akiic homuu 4:19

Muñeˈe anaalaawu li aan Yéesu: — Anahaan, lijuke een awu afulofet loom.

Hulimahu Hásuumaahu loon Saŋ akiic homuu 6:14

Nan bukanabuku kujukumuu búhiisenumabu bájaahalenimuu muñowu ban Yéesu akaanumuu, li koon: — Mal̥egen ánayinaawu ummu akila ammuu Afulofetawu áatimuu abil li adunaayi.

Hulimahu Hásuumaahu loon Saŋ akiic homuu 9:17

Muñeˈe Kufaaliisiyeŋaku li kulaañen kugel̥l̥en ánayinaawu koonool: — Awu buu lulobe mata ánayinaawu akaanimuu min ujuk? Li aaniil: — Laalu afulofet.

Bakaanelabu 5:5

Nan Ananiyaas ajamumuu kulimaku unku, li ayaan alo to li aket. Ekole yáamak li ejok bukanabuku feh kajamumuu wahawu wabajumuu Ananiyaas.

Bakaanelabu 7:37

Móyiis amite alobumuu kata Isilayeel aaniil: “Ateemit fan áboñuluul afulofet loon ínje. Anawu ummu fan alako akee li kutuyuul.”

Kata Galasi 1:24

Ban li kusal Ateemit mata ínje íji.