Hulimahu Hásuumaahu loon Lík akiic homuu 7:13 - Jola-Kasa

¹³ Nan Amaaŋenawu ajukumuu anaalaawu ummu, li áyiyenool ŋáa’. Li aanool: — Jakum ul̥ok!

Hulimahu Hásuumaahu loon Lík akiic homuu 7:13 Referencias Cruzadas

Maak 8:2

— Líyiyenyiyen bukanabuku umbuku, mata muñeˈe baje kunak kúhaaji buko taate lí ínje, ban kubajut muñeˈe wah wan kóomi li kutiñ.

Hulimahu Hásuumaahu loon Lík akiic homuu 10:1

Nan fú’ tómuu, Amaaŋenawu li al̥us kúgoom kukee koono kúyii kúhaaji li kuŋen li kúl̥uba. Ban li aboñiil kúl̥ubal̥uba kujow ló boot li sísukasu feh, li tinootin tin akila humumool áami li ajow.

Hulimahu Hásuumaahu loon Lík akiic homuu 11:1

Li líiŋ hunak hakee, Yéesu li alako kal̥aw tikee. Nan abanumuu kal̥awaku, akee li kúgoomaku koola li aanool: — Anahaan, úliikenoli kal̥aw Ateemit, loon Saŋ aliikenumuu kúgoomaku koola kal̥aw.

Hulimahu Hásuumaahu loon Lík akiic homuu 11:39

Muñeˈe Amaaŋenawu li aanool: — Bukuluul kufaaliisiyeŋaku, fan jítil̥ kata búsol ejunkayi li buyinjaayabu, ban kata láalawuul ummu min meeŋ dó kásiibo ékuwet li búl̥afut.

Hulimahu Hásuumaahu loon Lík akiic homuu 12:42

Amaaŋenawu li aan Fiyeel: — Kama ayimaa ammuu aloka al̥egene ban li ájallo? Okila ammuu anawu an anahaanawu oola alakomuu li ajow kañaahoo, li aŋa’ kulokaabuku koola asenool aaken, ánaakum aseniil hutiñiil, taŋiil yata hutiñ báliiŋe.

Hulimahu Hásuumaahu loon Lík akiic homuu 13:15

Amaaŋenawu li aanool: — Búhoolowabe! Ayi li bukuluul aatut ál̥el̥ul húmuunawool tan asene homuu hutiñ, mantee foof asumool tan asenewoolumuu atiñ, li hunak hata húyiiyaay ajow ahoben?

Hulimahu Hásuumaahu loon Lík akiic homuu 17:5

Kufootalaku: — Ufamen káyinenaku kan jibajumuu li awu.

Hulimahu Hásuumaahu loon Lík akiic homuu 17:6

Amaaŋenawu li aaniil: — Nokoomuu loon káyinenaku kooluul kutitiyeene loon jikool jata anuunukenawu aaneyimuu mutaad, fan joon bunuunukenabu umbu báamakabu baaneyimuu búmiiliye: «Uluuco min ujow ul̥ukoolo li husamuwahu», fan bukaan loon jilob bomuu.

Hulimahu Hásuumaahu loon Lík akiic homuu 18:6

Amaaŋenawu li afamen aan: — Jijame wahawu wan atiibaawu acolutumuu alobumuu.

Hulimahu Hásuumaahu loon Lík akiic homuu 19:8

Saase li ayito hákil Amaaŋenawu, min aanool: Ujanten, Anahaan, boot min íkej ebajayi yúmbaam li tut isen kusukateenabuku. Ban nokoomuu loon libumbunt an min iŋa’ joola, fan ilaañenool jo ñoono ñabakii.

Hulimahu Hásuumaahu loon Lík akiic homuu 22:61

Amaaŋenawu li átiiwowul ajuke Fiyeel súy. Fiyeel li awayil̥o hulimahu han Amaaŋenawu aloboolumuu aanool: «Fan uceeŋ oon luhaasonhaas ñoono ñáhaaji, tówum káyinaku kul̥ok síyaat.»

Hulimahu Hásuumaahu loon Lík akiic homuu 24:3

Kanaalaabuku li kunoken li huyaakahu kúliiŋ, kujukut ehuluŋayi yata Amaaŋenawu Yéesu.

Hulimahu Hásuumaahu loon Lík akiic homuu 24:34

min koonemuu: — Li mal̥egenamu, Amaaŋenawu lajukoojuk!

Hulimahu Hásuumaahu loon Lík akiic homuu 7:12

Nan Yéesu alehenumuu kámbiilaku kata ésukayi, li ajuk bukan bátebulo ehuluŋ boot kahok. Aketaawu, jífu’ jan jaawool ahoke áyinool, abaje bale jo. Li baj bukan kameeŋe kata ésukayi kánabulo li anaalaawu.

Hulimahu Hásuumaahu loon Lík akiic homuu 7:14

Nan Yéesu aloboolumuu loon muñaˈa aban, li ajow ago’ buyiiŋabu. Bukanabuku kateb bomuu li kuyiten. Yéesu li aan: — Amay, ínje eeni uyito!

Hulimahu Hásuumaahu loon Lík akiic homuu 7:19

min aboñiil bata Amaaŋenawu kujow kugel̥l̥enool koonool: — Mantee awu ommuu anawu áatimuu abil, mantee joote jinaak akee ábuto?

Hulimahu Hásuumaahu loon Lík akiic homuu 8:52

Bukanabuku feh li kulako búluulen li jíl̥okoo mata añiilawu. Yéesu li aaniil: — Jakum jil̥ok. Jísungutaaju jiketut, bale jímoolimooli.

Hulimahu Hásuumaahu loon Saŋ akiic homuu 11:2

(Mali okila alakomuu anaalaawu abile áyumuu eheeñayi li kootaku kata Amaaŋenawu, ban li aŋa’ walawu woola min átil̥ ko. Okila áliinool Laasaal ásomutumuu.)

Hulimahu Hásuumaahu loon Saŋ akiic homuu 11:3

Mali buko li Maaluta kammuu batuyaay li kuboñ kujow koon Yéesu: — Anahaan, Abukeyi an uboolaatumuu lásomuusomut.

Hulimahu Hásuumaahu loon Saŋ akiic homuu 20:13

Kumalakaaku li kugel̥l̥enool koonool: — Anaale, wáa újiye li oono li jíl̥ok? Mali li aaniil: — Kuŋaŋŋa’ Anahaanawu úmbaam, ban ihaasut ban kukaanool.

Hulimahu Hásuumaahu loon Saŋ akiic homuu 20:15

Yéesu li agel̥l̥enool aanool: — Anaale, wáa újiye li oono li jíl̥ok? Ayi luŋese loo? Mali li ayinoo li aan Yéesu ammuu alokaawu ata etoolayi, li aanool: — Anahaan, nokoomuu loon awu uŋale ehuluŋayi yata Yéesu, uhebom tay lukaan yo min ijow iŋa’ yo.

Hulimahu Hásuumaahu loon Saŋ akiic homuu 4:1

Muñeˈe Kufaaliisiyeŋaku koola, ban li ábatiise kúgoom kahaŋe mameeŋ kan Saŋ ábatiisemuu.

Hulimahu Hásuumaahu loon Saŋ akiic homuu 6:23

No unnu, usaana wakee wabilumulo li ésukayi yan koonemuu Tibeeliyad, li úŋejul. Ulíiŋul, li ujow uya ukooj tan Amaaŋenawu abile akaanumuu búsukabu butiñ okila basale Ateemit aban.

1 Kata Koolent 7:30

Káamimuu li jíl̥ok, li kukaan loon bukan kalet li jíl̥ok. Káamimuu li ésuumansuum, li kukaan loon bukan kalet li ésuumansuum. Káamimuu li hunoom, li kukaan loon bukan kabajut wahoowah.

1 Kata Tesalonik 4:13

Kutuyom, jifañut min bukuluul jilako to loon muñaˈa bahaasut mata bukanabuku kaketemuu, jakum bil jíyiyenoo loon bukan kaabuku kan emmuu buko kubajut húkangum.

Eébulo 2:17

Wahawu unwu újimuu li áati anokoo li kutuyool li wahoowah feh, bájum li alako álamba áamak ayilo káyiyen bukan, ban li al̥egen li bulokabu bata Ateemit min ahal uhoofoolawu wata bukanabuku.

Eébulo 4:15

Lubajaale álamba áamak ahaase mata búgootowabu boololaal. Li mal̥egenamu, álambaawu oololaal labuutoolibuutoo li wahoowah feh loon alolaal, bale akaanut kahoofoo.