Hulimahu Hásuumaahu loon Lík akiic homuu 6:49 - Jola-Kasa

⁴⁹ Bale an ajamumuu kulimaku kúmbaam ban akaanut loon ilobumuu, anawu ummu lanokoonokoo li an ateefe eluuf li mul̥uyis akila bawokut sénki min áteefumul ló. Nan malamu mata mul̥uuwamu múfaasoolulumuu mubil mulo li eluufayi, li eyaan elo eyiissoo feh.

Hulimahu Hásuumaahu loon Lík akiic homuu 6:49 Referencias Cruzadas

Máciya 23:3

Mó mújimuu joote jítuuliil, ban li jikaan wahawu feh wan kommuu li kulobuul. Bale jakum jiliikoo li baloŋelabu booliil. Mata kúkaaneliit wahawu wan kulobemuu ésukayi.

Máciya 24:10

Ban bukan kameeŋe fan kukat káyinen lí ínje. Fan kunaak kúhoolowoo, ban li kulatoo.

Maak 4:17

Bale emmuu kukatut Hulimahu min huya kuhaa’ kalite li buko, li kúyinen li ho jatit bale. Muñeˈe nan sílaamasu síliiŋulumuu li jálaatenaju mata Hulimahu húji, li kuyaan kukat káyinenaku kooliil.

Hulimahu Hásuumaahu loon Lík akiic homuu 12:47

«Aloka ahaasumuu waa anahaanawu oola afañe, ban ajooŋoolut to min akaan wo, fan abaj katek káamak.

Hulimahu Hásuumaahu loon Lík akiic homuu 19:14

Bale bukanabuku kata etaamayi ban akinumuu li kuhoyool. Muñeˈe li kuboñ bukan kunabenool kujow koonool: «Olóli jifañut min ánayinaawu ummu alako áyiiyawu óololi.»

Hulimahu Hásuumaahu loon Lík akiic homuu 19:27

Muñeˈe kulatoolawom, kafañutumuu min ilako áyiiyawu ooliil, jíŋaluliil taate, min jimukiil hákilom.”»

Hulimahu Hásuumaahu loon Lík akiic homuu 6:46

— Wáa újiye li jinaak jihooñom Amaaŋen, Amaaŋen, ban let jikaan wahawu wan ilobumuu?

Hulimahu Hásuumaahu loon Lík akiic homuu 6:48

Lanokoonokoo li ánayine alakowe kateef eluuf, li awok sénki min áteefumul huteefahu hútinaalahu tin l̥aal̥e. Nan malamu mufaasoomuu, mul̥uuwamu li múfaasoolul mubil mulo li eluufayi unyu, muyilaat mubet yo mata eteefiteef jak.

Hulimahu Hásuumaahu loon Lík akiic homuu 7:1

Muñeˈe nan Yéesu abanumuu elob bukanabuku kulimaku unku feh, li ajow boot Káfeenawum.

Hulimahu Hásuumaahu loon Saŋ akiic homuu 15:2

Fan afalen hulund hanoohan háami lí ínje, habukut mutiñaay. Fan ateŋen hulund hanoohan habuke mutiñaay, mantee li huhaŋ mabuk.

Bakaanelabu 20:29

Lihaase een nan emmuu li ijow, bukan kanokoole li sijangibujal sál̥afute, fan kubil kulako li bukuluul ban let kukat to bumatabu.

Bakaanelabu 26:11

Linaanaak ijow ñameeŋe li siluufasu feh sata kal̥awaku min ikaan min kutekiil, ban li ituuŋiil koon kúyinenut li Yéesu. Li il̥eetiil bil gay, li inaak ijow ílaateniil boot yok li sísukasu foof sata tíyaŋ.

1 Kata Tesalonik 3:5

Wahawu unwu újimuu emmuu iyilaat ikob fiyo, li íboñul Tímote abil agel̥l̥en mata káyinenaku kooluul. Líkoliyenkoli min Sayitaane abuntuul, min bulokabu bóololi feh bulako kakaal̥o.

2 Fiyeel 2:20

Li mal̥egenamu, bukanabuku kahaasumuu Yéesu Kilisita ammuu Amaaŋenawu li Afakenaawu oololaal, kukaakat bakaanelabu bajakutumuu bata adunaayi; bale kukatumuu bakaanelabu umbu bajakutumuu min bulaañen búgooteniil ban li buheekiil, buloŋabu booliil bata muñeˈe fan buhaŋ másengi bata naanaŋ.

1 Saŋ 2:19

Kulatoolaabuku umbuku kata Kilisita li alolaal kúfulume, bale kufinut min kulakowe koololaal. Mata li mal̥egenamu kulakoweenumuu bukan koololaal, fan kulakoween nanoonan li alolaal. Bale kúfuffu’ li alolaal min híis kaanaku anoowan li buko alakowut li mal̥egen an oololaal.