Hulimahu Hásuumaahu loon Lík akiic homuu 6:42 - Jola-Kasa

⁴² Mantee foof buu luyilo oon atuyi: “Atuyom, ukobom min ífulen kakaawaku kammuu li jíkilaju jooli,” ban awu ufanut ujuk kawunkaku kammuu li jíkilaju jiya? Búhoolowabe! Ujand úfulen kawunkaku kammuu li jíkilaju jooli ubanumuu, fan ukit ujuk jak min uyili úfulen kakaawaku kammuu li jíkilaju jata atuyi.

Hulimahu Hásuumaahu loon Lík akiic homuu 6:42 Referencias Cruzadas

Máciya 26:75

Li awayil̥o hulimahu han Yéesu alobool nomuu aanool: «Fan uceeŋ oon luhaasonhaas ñoono ñáhaaji tówum káyin kul̥ok.» Li áfulul tíyaŋ alako bo jíl̥ok jáamak.

Máciya 7:3

Waa wommuu úji li ujuk kakaawaku kammuu li jíkilaju jata atuyi, ban ujukut kawunkaku kammuu li jíkilaju jooli?

Máciya 7:4

Mantee foof buu luyilo oon atuyi: «Ukobom min ífulen kakaawaku kammuu li jíkilaju jooli,» ban awu kawunk li koono li jíkilaju jiya?

Hulimahu Hásuumaahu loon Lík akiic homuu 13:15

Amaaŋenawu li aanool: — Búhoolowabe! Ayi li bukuluul aatut ál̥el̥ul húmuunawool tan asene homuu hutiñ, mantee foof asumool tan asenewoolumuu atiñ, li hunak hata húyiiyaay ajow ahoben?

Hulimahu Hásuumaahu loon Lík akiic homuu 22:32

Bale lil̥awul̥aw boot li awu jakum bil ukat káyinen lí ínje. Bale nan ommuu úlaañul búmba, uliten káyinenaku kata kutuyi.

Hulimahu Hásuumaahu loon Lík akiic homuu 6:41

«Wáa wómmuu úji li ujuk kakaawaku kammuu li jíkilaju jata atuyi, ban ujukut kawunkaku kammuu li jíkilaju jooli?

Hulimahu Hásuumaahu loon Lík akiic homuu 6:43

— Bunuunuken bajake, buyilaat bubaj ebukoolum yajakut. Bunuunuken foof bajakut buyilaat bubaj ebukoolum yajake.

Bakaanelabu 13:10

ban li aan: — Min umeeŋ muñowu búhoolo li búl̥afut, añool Sayitaane, alatoola ata wah feh wacole! Let ukat kaŋes min ulaañen mal̥egenamu mata Amaaŋenawu mulaañ émalimiñ?

Bakaanelabu 2:38

Fiyeel li aaniil: — Jibet búsol buloŋabu booluul buhaanabu, min jítiiwo jiŋa’ buloŋ buwunkul. Banumuu, anoowan li bukuluul li ajow kúbatiisewool li kajaw kata Yéesu Kilisita, boot kabonket kata uhoofoolawu wooluul. Jikaan momuu, Ateemit fan asenuul kájiyaku kata Buyinumabu Banabaabu.

Bakaanelabu 8:21

Ulet ló li bulokabu bóololi, ban ubajut to kakaañen kanookan, mata buyinumabu booli bucolut hákil Ateemit.

Kata Lom 2:1

Awu jatiibemuu li bukanabuku, oono min oono, ubajut bakooŋ banooban. Li mal̥egenamu, nan utiibumuu kaabuku awu humumi utiiboolowe, mata lukaanekaan wahawu wan buko kukaanemuu.

2 Kata Koolent 5:18

Wahoowah feh li Ateemit ubilumulo. Okila akaanumuu min ubajaal hujamool li akila humum hata Kilisita, ban li asenolaal bulok bata kakaan bukanabuku min kajamoo li akila.

2 Tímote 2:21

An asikowumutumuu li wahawu unwu wajakutumuu wan ilobuulumuu mata wo, anawu fan anokoo li búgoloolumaabu bata éwulusayi. Lasenoolosenoolo Ateemit ammuu anahaanawu oola, ban li abaj jáliŋ li akila, min áami to boot kakaan wahoowah feh wajake.

2 Fiyeel 1:9

An abajutumuu wahawu unwu wajakumuu, anawu ummu ájukeliit jak. Lanokoonokoo li an áfuume, ban li amojen kaanaku uhoofoolawu woola wata no ufosifos.