Hulimahu Hásuumaahu loon Lík akiic homuu 6:17 - Jola-Kasa

¹⁷ Muñeˈe Yéesu li áwalowumul li huyuuyahu li kufootalaku koola ló, ajow ayiten tan etaamayi elelenoole, tin kameeŋe li kúgoomaku, li kata halaabahu hata sísukasu sammuu li etaamayi yata Tiil li Sidoŋ sammuu bata katantaku kata halahu.

Hulimahu Hásuumaahu loon Lík akiic homuu 6:17 Referencias Cruzadas

Máciya 11:21

— Katek káamak fan kulako li bukuluul jata ésukayi yata Koolasin! Katek káamak fan kulako li bukuluul jata ésukayi yata Betisayida! Mata wahawu wájaahalenimuu wakaanimuu booluul ukaaneenimuu li ésukayi yata Tiil li yata Sidoŋ, timbeen buko bakokowe kusaaku, ban li kúkannoolum búbunfa nan fiyowe, min kúhiis kaanaku kubeebet búsol buloŋabu booliil buhaanabu min kuloŋ loon Ateemit afañumuu.

Máciya 12:15

Bale nan Yéesu ahaasumuu aan Kufaaliisiyeŋaku kufanfañ min kumukool, li ayinno tan alakomuu. Bukan kameeŋe li kunab li akila. Li afaken kásomutumuu feh.

Máciya 14:14

Nan Yéesu áwalowulumuu li busaanaabu, li ajuk búsuk báamak, li áyiyen min afaken kásomutumuu li buko.

Máciya 15:21

Fúlum tó, Yéesu li ajow boot halaabahu hata sísukasu sata Tiil li Sidoŋ.

Máciya 5:1

Nan Yéesu ajukumuu búsukabu, li aŋito ajow abah li huyuuyahu. Kúgoomaku koola li kujow kútookulool tó.

Hulimahu Hásuumaahu loon Lík akiic homuu 5:15

Muñeˈe Yéesu li ahaŋ majamo. Búsukabu li bunaak buhaŋ mabil meeŋ boot bajantenool li foof mantee li afakeniil li úsomutawu wooliil.

Hulimahu Hásuumaahu loon Lík akiic homuu 6:12

No unnu, Yéesu li ajow aŋito li huyuuy boot kal̥aw, ban li alako bo ehukaayi feh kal̥aw Ateemit.

Hulimahu Hásuumaahu loon Lík akiic homuu 6:16

Súd ata Saak, li Sudaas Isikaaliyot abile anuyoomuu Yéesu.

Hulimahu Hásuumaahu loon Lík akiic homuu 6:18

Bukanabuku umbuku kubiibil boot bajanten Yéesu, li boot min afakeniil li úsomutawu wooliil. Bukanabuku kan uyinumawu wajakutumuu úlaamenumuu li kufak foof.