Hulimahu Hásuumaahu loon Lík akiic homuu 5:17 - Jola-Kasa

¹⁷ Muñeˈe li líiŋ hunak hakee, Yéesu li alako buliiken ésukayi Hulimahu hata Ateemit. Li baj Kufaaliisiyeŋ li kaliikenemuu ésukayi eluwaayi ésukayi eluwaayi yata Móyiis, kabahe kukoojool. Buko umbuku li sísukasu feh sata etaamayi yata Gálile li sata etaamayi yata Súde, li foof ésukayi yata Yeelusalem kubilumulo. Sembaasu sata Amaaŋenawu li Yéesu silakowe, min afaken bukanabuku kásomutumuu.

Hulimahu Hásuumaahu loon Lík akiic homuu 5:17 Referencias Cruzadas

Máciya 11:5

Bukanabuku káfuumumuu kujuke, kakajumuu kujowe jak, bukanabuku kan háhaayee ejokeenumuu kufake, bukanabuku kásokomuu kujame, kaketumuu kuyitowe, esukateenayi ejame Hulimahu Hásuumaahu.

Máciya 15:1

Muñeˈe Kufaaliisiyeŋ li Kaliikenemuu ésukayi Eluwaayi yata Móyiis, li kúfulumul Yeelusalem kubil kutook Yéesu min kugel̥l̥enool koonool:

Maak 1:45

Bale nan ánayinaawu ajowumuu, li alako kakitten ésukayi tanootan feh wahawu wabajoolumuu. Mó lí múji Yéesu ayilaat anoken li ésuk min bukanabuku kujukool. Li anaak alako tíyaŋ ban wayitomuu, bale bukanabuku li kunaak kubilum banooban kutookool bo.

Maak 16:18

Kujokumuu sinuukayila li kuŋeniil, mantee foof li kuhob busik bamuke, wahoowah let ukaaniil. Kuŋalumuu kuŋeniil kuwalen li bukan kásomute, kúsontaaku umbuku fan kufak.

Maak 3:22

Muñeˈe bukanabuku kaliikenumuu ésukayi eluwaayi yata Móyiis káfulumulomuu li ésukayi yata Yeelusalem, li koon: — Bélusebul ammuu Sayitaane anokene Yéesu. Li akila ammuu anahaanawu ata uyinumawu wajakutumuu Yéesu ákesoolumemuu uyinumawu wajakutumuu úfu’ li bukanabuku kan újufomuu.

Maak 5:30

Muñeˈe Yéesu li ayaan ahaas li eniilool kaanaku babbaj sembe sáfule li akila. Li átiiwowul li tut búsukabu, ban li agel̥l̥en aan: — Ayimaa agole wañawu wúmbaam?

Maak 7:1

Kukee li Kufaaliisiyeŋaku kubil kujojoo tan Yéesu alakomuu.

Hulimahu Hásuumaahu loon Lík akiic homuu 15:2

Kufaaliisiyeŋaku li kaliikenemuu ésukayi eluwaayi ésukayi eluwaayi yata Móyiis súumutiil. Li kunaak koon: — Anáyinaawu ummu layabeyab jak kuhoofoola, ban li anaak atiñ dín dáno li buko.

Hulimahu Hásuumaahu loon Lík akiic homuu 2:46

Li baj kunak kúhaaji, li kujukool li Eluufayi yata Ateemit mabahe li tut kaliikenemuu ésukayi eluwaayi yata Móyiis min anaak ajanteniil ban li anaak agel̥l̥enooliil.

Hulimahu Hásuumaahu loon Lík akiic homuu 5:21

Muñeˈe kaliikenemuu ésukayi eluwaayi yata Móyiis li Kufaaliisiyeŋaku li kunaak kugel̥l̥enoo koon: — Kama ánayinaawu ummu agelemuu li Ateemit, okila ammuu ayi? Ayi ayilo abonket uhoofoolawu ábuti li Ateemit balewool?

Hulimahu Hásuumaahu loon Lík akiic homuu 5:30

Muñeˈe Kufaaliisiyeŋaku kata Yéesu: — Kama wáa újiye li jitiñum ban li jíhobum dín dáno li kúyababuhalabu li bukanabuku kammuu kuhoofoola?

Hulimahu Hásuumaahu loon Lík akiic homuu 6:19

Muñeˈe ésukayi feh li elako huŋes boot min ego Yéesu, mata sembe sinaake sífulumul li okila sanaake sifakeniil feh.

Hulimahu Hásuumaahu loon Lík akiic homuu 7:30

Bale Kufaaliisiyeŋaku li kaliikenemuu ésukayi eluwaayi ésukayi eluwaayi yata Móyiis, kafañutumuu min Saŋ ábatiiseyiil, kuhoohoy wahawu wan Ateemit afañumuu boot li buko.

Hulimahu Hásuumaahu loon Lík akiic homuu 8:46

Bale Yéesu li aan: — Akee lagolongo’, mata lihahhaas een sembe sífuffu’ lí ínje.

Hulimahu Hásuumaahu loon Saŋ akiic homuu 3:10

Yéesu li aanool: — Awu jammuu aliikena áamak híndo Isilayeel, uhaasut wahawu unwu?

Hulimahu Hásuumaahu loon Saŋ akiic homuu 3:21

Bale an anabe li mal̥egenamu, fan áfu’ alako li mawuŋe, bájum makaanelamuu moola li mujuki jak, min híis kaanaku mukaanikaan li húnongum hata Ateemit.

Bakaanelabu 19:11

Ateemit li anaak ákaanum wah wájaahaleniye ŋáa’ li kuŋen kata Fool.

Bakaanelabu 4:30

Uhíis sembaasu sooli mantee bukan kásomute li kufak, búhiisenum, li wah wájaahaleniye li úkaanumi li kajaw kata alokaawu uya anabaawu ammuu Yéesu.»

Bakaanelabu 5:34

Bale li baj akee li buko alakowe Afaaliisiyeŋ, an koone Gamaliyel. Gamaliyel anahaan ata kaliikenemuu bukanabuku eluwaayi yata Móyiis, an ésukayi feh eluukene ŋáa’. Li alob min kukaan kufootalaku kúfu’ kujow kulako tíyaŋ jatit.