Hulimahu Hásuumaahu loon Lík akiic homuu 4:6 - Jola-Kasa

⁶ Ban li aan Yéesu: — Fan iseni sembaasu unsu feh li ebajayi yata úyiiyawu unwu, mata wahawu unwu feh ínje useni, ban liyilo isen wo an an ifañe.

Hulimahu Hásuumaahu loon Lík akiic homuu 4:6 Referencias Cruzadas

Hulimahu Hásuumaahu loon Lík akiic homuu 4:7

Kama úkuntuŋumuu hákilom min umanenom, wahawu unwu feh li ulako wooli.

Hulimahu Hásuumaahu loon Saŋ akiic homuu 12:31

Muñeˈe emmuu taŋayi nan Ateemit ammuu li atiib adunaayi inye. Muñeˈe Sayitaane ammuu anahaanawu ata adunaayi boot min akesooli áfu’ tíyaŋ.

Hulimahu Hásuumaahu loon Saŋ akiic homuu 14:30

Let ilaañ ilob ŋáa’ li bukuluul, mata Sayitaane ammuu anahaanawu ata adunaayi inye ummu li ebil. Ayilaat lí ínje wahoowah,

Hulimahu Hásuumaahu loon Saŋ akiic homuu 8:44

Atuubawuul akila ammuu Sayitaane, ban wahawu wan atuubawuul afañumuu, wo jifañumuu min jikaan. Okila yaan no li húkitumahu lafin láami amukabukan. Alakowut li mal̥egenamu, mata mal̥egen mulet li akila. Alakomuu émalamiñ, lalollob loon afinumuu min aano, mata okila ámalamiñ laam, ban okila ammuu atuubaawu ata émalimiñ.

2 Kata Koolent 11:14

Bajut to kajaahale kanookan, mata Sayitaane humumool lakaanekaan loon amalaka laam ata mawuŋe.

Kata Efées 2:2

Jinaanaak jiloŋ buloŋ bata kahoofoo loon bukanabuku kata adunaayi inye kuloŋemuu. Jinaanaak jiloŋ loon anahaanawu ata uyinumawu wajakutaawu wammuu haatiya, afañumuu. Anahaanawu ummu akila ammuu Sayitaane, ammuu muñeˈe li bulok li uyinumawu wata bukanabuku kátuulutumuu Ateemit.

1 Fiyeel 1:24

Li mal̥egenamu, loon Bakiicelabu bulobumuu: «Al̥áhukowan anoowan lanokoonokoo loon mahosamu, ban máyiineniyamu moola li munokoo loon élunfen. Mahosamu fan musay, élunfenayi li élowul,

1 Saŋ 5:19

Luhaasaale oonaal alolaal Ateemit akilolaal, ban adunaayi feh yo inyu li kuŋenaku kata Sayitaane.

Búhiisenumabu 12:9

Li kúbetenul hújunfuulahu unhu háamakahu tíyaŋ. Yo yommuu enuukayilaayi ehaanayi yan koonemuu foof Ammalawu mantee foof Sayitaane, abuntemuu adunaayi feh. Li kúbetenulool li etaamayi boot li kumalakaaku koola ló.

Búhiisenumabu 13:2

Enúukuleŋayi yákoyilenimuu yan ijukumuu enokoonokoo li esaamaay. Kootaku kata yo li kunokoo li kata húnuukuleŋ háamak hanokoole li etameel. Butumabu bata yo li bunokoo li bata éŋaŋ. Ejúnfuulayi li eŋa’ sembaasu sata yo, efenjeŋayi yata yo li kayile káamak, esen énuukuleŋayi yákoyileniyaayi.

Búhiisenumabu 13:7

Li kusen énuukuleŋayi kakaañen min etiik li bukanabuku kata Ateemit, ban li eheekiil. Li kukaan yo min ebaj sembe li utoŋawu feh, li bukanabuku feh, li silobasu feh li sihetasu feh.