Hulimahu Hásuumaahu loon Lík akiic homuu 4:43 - Jola-Kasa

⁴³ Bale Yéesu li aaniil: — Leete foof ilob Hulimahu Hásuumaahu hata Jáyiiyaju jata Ateemit li sísuk saasu. Mata wahawu unwu újimuu Ateemit li aboñulom.

Hulimahu Hásuumaahu loon Lík akiic homuu 4:43 Referencias Cruzadas

Máciya 4:23

Yéesu li ajow tanootan li etaamayi feh yata Gálile, min anaak aliiken bukanabuku Hulimahu hata Ateemit li siluufasu sata kal̥awaku sata Kusuwifaku. Li anaak awaale Hulimahu Hásuumaahu hata Jáyiiyaju. Li afaken bukanabuku kásomutumuu li úsomutawu feh wajokiilumuu, li jilumaju jooliil feh.

Maak 1:35

Li líiŋ hunak hukaten li bújom bíb, to baloŋe li timooc, Yéesu li ayito min áfu’ li eluufayi ajow boot tan wayitowe boot kal̥aw Ateemit.

Hulimahu Hásuumaahu loon Saŋ akiic homuu 20:21

Yéesu li alaañen aaniil: — Kásuumaay kulako li bukuluul! Loon Atuubaawu áboñulommuu, mo foof ínje emmuu li iboñuul.

Hulimahu Hásuumaahu loon Saŋ akiic homuu 9:4

Nan tiloŋumee li tikaten, lootaale ukaanaal bulokabu bata anawu áboñulommuu. Ehukaayi inyu li ebil nan an ayilaatumuu akaan bulok.

Bakaanelabu 10:38

Jihaase buu Ateemit akaanumuu sembaasu sata Buyinumabu Banabaabu li Yéesu ata ésukayi yata Nasalet. Jihaase foof buu Yéesu ajowumuu tanootan li etaamayi inye, min anaak akaan majake, li afaken bukanabuku feh kan Sayitaane ájufomuu li buko, mata Ateemit li okila lalakowe.

2 Tímote 4:2

uhanken min uwaale bukanabuku Hulimahu hata Ateemit, súum súumut. Uceeŋiil, li uwatateniil ban li uwankuleniil, ban li ubeben min uliikeniil ho.