Hulimahu Hásuumaahu loon Lík akiic homuu 4:35 - Jola-Kasa

³⁵ Yéesu li anuuloo buyinumabu bajakutumuu li sembe aan: — Ulu ban li úfu’ li ánayinaawu ummu! Buyinumabu bajakutumuu li bubet ánayinaawu teetaam hákil ésukayi feh, min búfu’ li akila, bakaanutool majakut.

Hulimahu Hásuumaahu loon Lík akiic homuu 4:35 Referencias Cruzadas

Máciya 17:18

Muñeˈe nan kúŋalulumuu añiilawu, Yéesu li anuuloo li sembe buyinumabu bajakutaabu. Li búfu’ li añiilawu áyinaawu, min ayaan afak to.

Máciya 8:26

Bale Yéesu li aaniil: — Mó káyinenuul lí ínje kukite kutiti! Wáa újiye li jíkoli? Muñeˈe nan Yéesu ayitomuu, li anuuloo búlusabu li malamu mata húwajahu. Li lulenoo lul.

Maak 1:26

Buyinumabu bajakutumuu li bubet ánayinaawu teetaam, min bukaanool ababbaloo ban li bukaaw butiya min búfu’ li akila.

Maak 4:39

Muñeˈe nan Yéesu áliwomuu, li anuuloo búlusabu li sembe ban li aan húwajahu: — Ululenoo! Uweelen! Mal̥egen búlusabu li buweelen, min lulenoo lul.

Maak 9:26

Mal̥egen buyinumabu bajakutumuu li bukaaw butiya, ban li búlilliŋen añiilawu li sembe min búfu’ li akila. Añiilawu li afan anokoo to loon an akete, gay bukan kameeŋe kalako to li koon lakeeket.

Hulimahu Hásuumaahu loon Lík akiic homuu 11:22

Bale nokoomuu loon an ahaŋool sembe abile álomool ban li ágootenool, min abot ujunkowawu woola feh wan ákangumeenumuu li wo, fan aŋa’ ebajayi yoola feh agaben kufaalool.

Hulimahu Hásuumaahu loon Lík akiic homuu 4:23

Yéesu li aaniil: — Manooman fan jilobom húl̥okuwahu unhe: «Awu ammuu abuntena, ubuntenoolo awu humumi.» Fan foof joonom: «Jijame wahawu feh wan ukaanumuu li ésukayi yata Káfeenawum, muñeˈe ukaan taate li ésukayi yooli wahawu wanolawu.»

Hulimahu Hásuumaahu loon Lík akiic homuu 4:39

Yéesu li ásiten ajooŋoo li anaalaawu min anuuloo bújuusaabu li sembe. Li búfu’ li okila, min anaalaawu ayaan ayito alakoyiil kakaan kutiñ.

Hulimahu Hásuumaahu loon Lík akiic homuu 4:41

Uyinum wajakut li úfu’ foof li bukan kameeŋe kan újufoyeenumuu. Li unaak ukaaw, wo li káfulaku woon: — Awu ommuu Añiilawu ata Ateemit! Bale Yéesu li anuuloo wo ban akatut wo min ulob, mata wo uhaase woon okila ammuu Afakenaawu.

Hulimahu Hásuumaahu loon Lík akiic homuu 8:24

Kúgoomaku li kukooj Yéesu min kúliwool ban li koonool: — Anahaan, Anahaan ummuwaal li újimaal! Nan Yéesu áliwomuu, li anuuloo búlusabu li kulambajaku, li yeelen. Li lulenoo lul.

Hulimahu Hásuumaahu loon Lík akiic homuu 9:39

Buyinum bajakut fan bújufowool, min ayaan akaaw butiya. Fan búlilliŋenool li sembe min bukaan butumabu boola buhoohet. Fan búlaamenool, ban káfulaku kata bo li okila li kúsengi ŋáa’.

Hulimahu Hásuumaahu loon Lík akiic homuu 9:42

Nan añiilawu alakomuu ebilayi, buyinumabu bajakutaabu li bubetool teetaam ban li búlilliŋenool li sembe. Bale Yéesu li anuuloo buyinumabu bajakutumuu, min afaken añiilawu ban li alaañenool asen atuubawool.

Búhiisenumabu 12:12

Mó mújimuu, ésuumahukow ejow elako li emitayi li bukanabuku kakin dómuu! Bale búyiik bujow bulako li etaamayi li halahu! Mata Sayitaane láwalowulo boot li bukuluul, mawuñete ŋáa’. Lahaase aan taŋayi yasaŋowoolumuu efamut.»