Hulimahu Hásuumaahu loon Lík akiic homuu 4:18 - Jola-Kasa

¹⁸ «Buyinumabu Banabaabu bata Amaaŋenawu bumbu lí ínje, mata lal̥usonl̥us boot kawaale Hulimahu Hásuumaahu kusukateenabuku. Amaaŋenawu láboñulomboñul boot elob mata kafakenaku kata kajokimuu. Min íji káfuumumuu li kulaañ kujuk, boot kákotul kágootenimuu.

Hulimahu Hásuumaahu loon Lík akiic homuu 4:18 Referencias Cruzadas

Máciya 11:5

Bukanabuku káfuumumuu kujuke, kakajumuu kujowe jak, bukanabuku kan háhaayee ejokeenumuu kufake, bukanabuku kásokomuu kujame, kaketumuu kuyitowe, esukateenayi ejame Hulimahu Hásuumaahu.

Máciya 12:18

«Alokaawu úmbaam an il̥usumuu, akila ammuu umme, an iboolaatumuu, ásuumommuu ŋáa’. Fan íboñul Buyinumabu búmbaam bubil bulako li akila, min awaale macolaamu mata Ateemit bukanabuku feh kata etaamayi.

Máciya 12:20

Let atuje kacaac kákufowe. Let ahok ehiitum yahohhojene, Muñowu lammuu akaan boot yok nan ammuu akaan wahawu wan Ateemit afañumuu ubaj;

Máciya 4:16

Esúkayi yammuu li élimayi, fan ejuk mawuŋe máamak. Ban bukanabuku kammuu li etaam yata élim yata eket, mawuŋe fan muhiiteniil.»

Máciya 5:3

— Awólo, kahaasumuu koon káyinenaku kooliil kutitititi hákil Ateemit, mata Jáyiiyaju jata Ateemit jooliil.

Hulimahu Hásuumaahu loon Lík akiic homuu 4:17

Muñeˈe li kusenool éliibalayi yata afulofetawu. Li ábooñul yó, li ajuk tan kiicumuu kaanaku:

Hulimahu Hásuumaahu loon Lík akiic homuu 6:20

Yéesu li ajuke kúgoomaku koola ban li aan: — Awólo bukuluul jagayimuu, mata Jáyiiyaju jata Ateemit jooluul.

Hulimahu Hásuumaahu loon Lík akiic homuu 7:22

Ban li aan bukanabuku kan Saŋ áboñulumuu: — Jijow jikitten Saŋ wahawu wan jijukumuu li wan jijamumuu: bukanabuku káfuumumuu kujuke, kakajumuu kujowe jak, bukanabuku kan háhaayee ejokeenumuu kufake, kásokomuu kujame, kaketumuu kuyitowe, ban Hulimahu Hásuumaahu huwaaleyiwaale esukateenayi.

Hulimahu Hásuumaahu loon Saŋ akiic homuu 1:41

Andele li ajand ajow ajuk atuyool Simoŋ, min aanool: — Jijuke Afakenaawu, (yo yommuu «Kilisita»).

Hulimahu Hásuumaahu loon Saŋ akiic homuu 12:46

Injé ammuu mawuŋaamu libiibil li adunaayi, bájum an áyinenumuu lí ínje, let alako li élim.

Hulimahu Hásuumaahu loon Saŋ akiic homuu 3:34

Anawu an Ateemit aboñulomuu, kulimaku kata Ateemit lalobe, mata Ateemit lasenoosen ŋáa’ Buyinumabu boola.

Bakaanelabu 10:38

Jihaase buu Ateemit akaanumuu sembaasu sata Buyinumabu Banabaabu li Yéesu ata ésukayi yata Nasalet. Jihaase foof buu Yéesu ajowumuu tanootan li etaamayi inye, min anaak akaan majake, li afaken bukanabuku feh kan Sayitaane ájufomuu li buko, mata Ateemit li okila lalakowe.

Bakaanelabu 26:18

Boot min iboñi ujow úbabul kúkilaku kooliil, li úfulenuliil li élimayi kubil kulako li mawuŋe, li úfulenuliil foof li kaŋenaku kata Sayitaane kubil kulako bata Ateemit; bájum kúyinenumuu lí ínje, li kubaj kabonket kata uhoofoolawu wooliil, min kubaj bútowowiil li bukanabuku kan Ateemit akilumuu.

Bakaanelabu 4:26

Kúyiiyaku kata etaamayi li kubil kucaal̥ boot hutiik, kunahaanaku kata sísukasu li kufam tin tano boot hutiik li Amaaŋenawu, li Afakenaawu ammuu oola.»

Bakaanelabu 4:27

«Mata li mal̥egenamu, li ésukayi inye Elod, li Fons Filat, li bukanabuku kákaanumutumuu li awu Ateemit baleyi, li kata Isilayeel, kufamumuu min kutiik alokaawu ooli anabaawu ammuu Yéesu, an ul̥usumuu alako Afakenaawu.

Kata Kolos 1:13

Li mal̥egenamu, labotumulolaabot li sembaasu sata élimayi, min ájowetumolaal li Jáyiiyaju jata Añoolool an aboolaatumuu.

Saak 2:5

Kutuyom, jijanten! Kama inti Ateemit lal̥ul̥l̥us bukanabuku kan adunaayi yoonumuu kusukateen koom, min akaaniil kulako kusaanum li káyinenaku, ban li kuyab Jáyiiyaju jan Ateemit alobumuu kasen kafañoolumuu.

1 Fiyeel 2:9

Bale bukuluul, bukuluul jommuu bukanabuku kal̥usimuu, kúlambaaku kata Ayíiyawu, ésukayi yanabaayi, bukanabuku kata Ateemit. Lí élimayi láhooñumuluul jibil jilako li mawuŋaamu moola máyiineniyaamu, boot kayiiŋen wahawu wan akaanumuu wajakumuu majak.