Hulimahu Hásuumaahu loon Lík akiic homuu 4:15 - Jola-Kasa

¹⁵ Yéesu li anaak aliiken bukanabuku Hulimahu li siluufasu sata kal̥awaku, bukanabuku feh li kunaak kusalool.

Hulimahu Hásuumaahu loon Lík akiic homuu 4:15 Referencias Cruzadas

Máciya 13:54

Muñeˈe li ajow boot li ésukayi yoola áliiŋ, li anaak aliiken bukanabuku li siluufasu sata kal̥awaku. Baliikenelabu boola li búji bukanabuku feh kanaake kujantenoolumuu li kusego. Li kunaak kugel̥l̥enoo koon: — Kama bay ánayinaawu ummu aliikenumulo bújallowabu umbu? Buu kaane li ayili akaan wahawu unwu wájaahaleni muñowu?

Máciya 4:23

Yéesu li ajow tanootan li etaamayi feh yata Gálile, min anaak aliiken bukanabuku Hulimahu hata Ateemit li siluufasu sata kal̥awaku sata Kusuwifaku. Li anaak awaale Hulimahu Hásuumaahu hata Jáyiiyaju. Li afaken bukanabuku kásomutumuu li úsomutawu feh wajokiilumuu, li jilumaju jooliil feh.

Máciya 9:35

Yéesu li anaak añaahoo li sísukasu feh, min anaak aliiken bukanabuku li siluufasu sata kal̥awaku. Li afaken kásomut kanookan, li jilum janoojan li ésukayi.

Máciya 9:8

Nan búsukabu bujukumuu wahawu unwu, li búkoli ban li busal Ateemit asenumuu bukanabuku kayile loon unku.

Maak 1:27

Bukanabuku feh li kúkoli ŋáa’, gay li kunaak kugel̥l̥enoo koon: — Kama laalu waa? Baliikene buwunkul banaboole li sembe? Anáyinaawu ummu anuuloomuu uyinumawu wajakutumuu li ukaan loon alob womuu.

Maak 1:39

Mal̥egen Yéesu li ajow tanootan li etaamayi feh yata Gálile, min anaak awaale bo Hulimahu Hásuumaahu li siluufasu feh sata kal̥awaku sata halaabahu unhu, ban li akesoo uyinumawu wajakutumuu úfu’ li bukanabuku kan újufomuu.

Maak 1:45

Bale nan ánayinaawu ajowumuu, li alako kakitten ésukayi tanootan feh wahawu wabajoolumuu. Mó lí múji Yéesu ayilaat anoken li ésuk min bukanabuku kujukool. Li anaak alako tíyaŋ ban wayitomuu, bale bukanabuku li kunaak kubilum banooban kutookool bo.

Hulimahu Hásuumaahu loon Lík akiic homuu 13:10

Li líiŋ li hunak hakee hata húyiiyaay hata Kusuwifaku.

Hulimahu Hásuumaahu loon Lík akiic homuu 4:16

Muñeˈe, Yéesu li ajow boot Nasalet ban aakenimuu akila añiilawu. Li anoken li eluufayi yata kal̥awaku, loon afiyomuu li akaan. Ban li ayito boot kajanga Hulimahu hata Ateemit.