Hulimahu Hásuumaahu loon Lík akiic homuu 3:1 - Jola-Kasa

¹ Muñeˈe li emitayi ekaatenayi yata Jáyiiyaju jata áyiiyawu áamakawu Tibeel, nan Fons Filat alako nomuu águubelunaalawu ata etaamayi yata Súde, Elod li alako anahaanawu ata etaamayi yata Gálile. Atuyool Fílib li alako anahaanawu ata etaamayi yata Itúle li yata Talakonit. Lisaniyaas li alako anahaanawu ata etaamayi yata Abilen.

Hulimahu Hásuumaahu loon Lík akiic homuu 3:1 Referencias Cruzadas

Máciya 14:1

No unnu, Elod alako nomuu águubelunaalawu ata Gálile, li ajam li kulob mata Yéesu.

Máciya 14:3

Elod lajoojok no Saŋ ajenk ban li aŋalool akul̥, mata Elodiyaas áji, an Elod aŋa’muu akaan aseekool, ban anaale ata atuyool Fílib.

Máciya 14:6

Bale nan hunakahu hawayil̥enumuu kabukiyaku kata Elod húliiŋumuu, ásungutaawu ata Elodiyaas li agom hákil ésukayi yan Elod áhooñulumuu, li súum Elod ŋáa’.

Máciya 22:17

Muñeˈe kama úloboli buu luyinoole. Mantee Eluwaayi yata Móyiis yonsoon lootaale uhalaal búhalabu bahaleyimuu áyiiyawu áamakawu Sesaal, mantee a’aa’?

Máciya 27:2

Muñeˈe li kujokool kujenk kuban, li kuŋalool kújowetum kujow kusen águubelunaalawu Filat.

Maak 6:17

Elod humumool labomboñ kujow kújokul Saŋ Batiis, ban li kujenkool kujow kukul̥, mata Elodiyaas áji, an Elod aŋalumuu akaan aseekool, ban anaale ata atuyool Fílib.

Maak 6:21

Muñeˈe Elodiyaas li abaj bútin bajake li hunakahu hawayil̥enumuu nan Elod abukimuu. Elod li akaan húbaññaati li hunakahu unhu min áhooñul bukanabuku káamakaku kata jáyiiyaju joola, li kunahaanaku kata kusollaaliyaku koola, li kunahaanaku kata etaamayi yata Gálile.

Hulimahu Hásuumaahu loon Lík akiic homuu 13:31

No unnu, Kufaaliisiyeŋ kukee li kúkoojul Yéesu min koonool: — Ufú’ taate, ujow bakee, mata Elod lafañe min amuki.

Hulimahu Hásuumaahu loon Lík akiic homuu 2:1

No unnu, áyiiyawu áamakawu an koonemuu Ogús li alob min kucob bukanabuku feh kakinumuu li Jáyiiyaju jata Lom.

Hulimahu Hásuumaahu loon Lík akiic homuu 23:24

Muñeˈe Filat li alob min kukaan wahawu wan búsukabu boonoolumuu akaan.

Hulimahu Hásuumaahu loon Lík akiic homuu 3:19

Bale Saŋ Batiis li awataten águubelunaalawu Elod mata layayyab Elodiyaas, anaalaawu ata atuyool Fílib, Fílib okila li buloŋ, mata lakankaan foof wah wameeŋe wajakut afamen to.

Hulimahu Hásuumaahu loon Lík akiic homuu 9:7

Muñeˈe nan águubelunaalawu Elod ajamumuu li kulob mata wahawu feh wabajumuu, li aliiwo. Mata kukee kunaanaak koon: «Laalu Saŋ Batiis ayitowumulo li eketayi.»

Bakaanelabu 23:26

«Féeliis, awu ammuu águubelunaal áamak, ínje Kúlod Lisiyaas lísaafuli.

Bakaanelabu 24:27

Li jow baj simit síl̥uba, Fólisiyis Fésitiis li alako águubelunaal min aŋa’ kaŋenaku kata Féeliis. Emmuu Féeliis lafanfañ min akaan Kusuwifaku súumiil, li akat Fool li hukul̥ahu.

Bakaanelabu 26:30

Muñeˈe áyiiyawu buko li águubelunaalawu li Beleniis, li bukanabuku feh kalako tomuu li buko, li kuyito.

Bakaanelabu 4:27

«Mata li mal̥egenamu, li ésukayi inye Elod, li Fons Filat, li bukanabuku kákaanumutumuu li awu Ateemit baleyi, li kata Isilayeel, kufamumuu min kutiik alokaawu ooli anabaawu ammuu Yéesu, an ul̥usumuu alako Afakenaawu.