Hulimahu Hásuumaahu loon Lík akiic homuu 24:36 - Jola-Kasa

³⁶ Nan kúgoomaku kúl̥uba kulakomuu elobayi loon muñaˈa, Yéesu humumool li áfululiil li tut min aaniil: — Kásuumaay kulako li bukuluul!

Hulimahu Hásuumaahu loon Lík akiic homuu 24:36 Referencias Cruzadas

Máciya 10:13

Bukanabuku kakinumuu li eluufayi kuyabuulumuu jak, kásuumaayaku kooluul kujow kulako li buko. Bale kuyabutuulumuu jak, kásuumaayaku kujow kúlaañul boot li bukuluul.

Maak 16:14

Li húbanumahu, Yéesu li afu’ kúgoomaku kuŋen li ano, buko li hutiñ. Li awateteniil min kubajutumuu káyinen, li min kul̥aal̥umuu uyinum, mata kúyinenut li bukanabuku kajukoolumuu nan ayitowulomuu li eketayi.

Hulimahu Hásuumaahu loon Lík akiic homuu 10:5

Nan jinokene li eluuf, jijand joon: «Kásuumaay kulako li eluufayi inye.»

Hulimahu Hásuumaahu loon Saŋ akiic homuu 14:27

«Boot min ikatuul li kásuumaay. Kásuumaayaku kúmbaam léemi li ikatuul. Let isenuul ko loon adunaayi esene komuu. Jakum jiyina, ban jakum jíkoli.

Hulimahu Hásuumaahu loon Saŋ akiic homuu 16:33

Lilobuulob loon muñaˈa mantee li jíbajum kásuumaay lí ínje. Fan jílaam ŋáa’ li adunaayi, bale sákoluul. Injé liheeheek adunaayi.

Hulimahu Hásuumaahu loon Saŋ akiic homuu 20:26

Muñeˈe li baj kunak hutok li kúhaaji, kúgoomaku kata Yéesu li kulaañen kuwoog li eluufayi, ban Toma to lalakowe li buko. Wámbiilawu wata eluufayi ukul̥eenikul̥, bale Yéesu li abil ayito hákiliil, ban li aan: — Kásuumaay kulako li bukuluul!

Bakaanelabu 1:3

Nan Yéesu aketumuu aban, li áfu’ Kufootalaku kunak koono kúyii kúl̥uba. Láfuliifu’ min áhiisiil ñameeŋe kaanaku li mal̥egenamu akila ummu li buloŋ, ban li alobiil mata Jáyiiyaju jata Ateemit.

1 Kata Koolent 15:5

Nan ayitowumulomuu li eketayi, li áfu’ Fiyeel, ban li áfu’ foof kufootalaku.

1 Kata Koolent 15:7

Nan fúlum tómuu, li áfu’ Saak ban kit kufootalaku feh.

2 Kata Tesalonik 3:16

Amaaŋenawu asenemuu kásuumaay, ajow asenuul akila humumool kásuumaay kanookan ban nanoonan. Amaaŋenawu ajow alako li bukuluul foofuul feh.

Búhiisenumabu 1:4

Injé Saŋ ikiiculo sijanguwasu hutok li síl̥ubaasu sata etaamayi yata Aasi: Ateemit asenuul káji li kásuumaay, akila áami tomuu, alako to nomuu, áamimuu li abil. Uyinumawu hutok li úl̥ubaawu wammuu hákil efenjeŋayi yoola yata jáyiiyaju usenuul foof káji li kásuumaay.