Hulimahu Hásuumaahu loon Lík akiic homuu 24:25 - Jola-Kasa

²⁵ Muñeˈe Yéesu li aaniil: — Bale mo jikite jíbaamo! Mo jikite jiŋaay káyinen wahawu feh wan kufulofetaku kulobuulumuu!

Hulimahu Hásuumaahu loon Lík akiic homuu 24:25 Referencias Cruzadas

Máciya 26:24

Añool-An fan aket loon Bakiicelabu bulobumuu buya li akila. Bale katek kujow kulako li anawu ammuu li abetool li kuŋen bukan. Haŋeene majak jakum anawu ummu abuki.

Maak 16:14

Li húbanumahu, Yéesu li afu’ kúgoomaku kuŋen li ano, buko li hutiñ. Li awateteniil min kubajutumuu káyinen, li min kul̥aal̥umuu uyinum, mata kúyinenut li bukanabuku kajukoolumuu nan ayitowulomuu li eketayi.

Maak 7:18

Yéesu li aaniil: — Kama bukuluul foof jiyiliwolut jínaanum? Jihaasut joon bajut wah wan an atiñe wayilo ukaanool min eeni lasikosiko?

Maak 9:19

Yéesu li aaniil: — Huwaj, akila bukuluul! Jibajut káyinen! Boot min ilako li bukuluul boot yok nay? Kama boot min ímuñuul boot yok nay? Jíŋalulom añiilawu.

Hulimahu Hásuumaahu loon Lík akiic homuu 24:24

Kukee li kúfaaloli li kujow boot bata huyaakahu kúliiŋ, mal̥egen li kujuk wahawu feh loon kanaalaabuku kukittenumuu, bale Yéesu okila, kujukutool ló.

Hulimahu Hásuumaahu loon Saŋ akiic homuu 5:39

Bukuluul fan jinaak jígituloo Bakiicelabu min jiliiken bo jak, mata jiyinooyinoo li joon fan jíbajum li bo buloŋabu bábaneliitumuu. Ban Bakiicelabu umbu humum bo, múmbaam bulobe!

1 Kata Koolent 15:3

Li mal̥egenamu, bukuluul lijandumuu iliiken wahawu wan ínje humumom iyabumuu, wammuu: Kilisita lakeeket mata uhoofoolawu woololaal úji, loon Bakiicelabu bulobumuu.