Hulimahu Hásuumaahu loon Lík akiic homuu 22:41 - Jola-Kasa

⁴¹ Fúlum tó, Yéesu li ayinno lóyi jatit, li ajow ákuntuŋ min al̥aw

Hulimahu Hásuumaahu loon Lík akiic homuu 22:41 Referencias Cruzadas

Máciya 26:39

Yéesu li ayinno bo lóyi jakee, li ákuntuŋ min aŋa’ buulool aya li etaam min al̥aw loon muñeˈe: — Faafa, loon kayiliyeenuma, li úloyiyen ejunkayi inyu yata sílaamasu téetiwom. Bale jakum kaan loon ínje ifañumuu, bale loon awu ufañumuu.

Maak 14:35

Yéesu li ayinno bo lóyi jakee, li ákuntuŋ min aŋa’ buulool aya teetaam, min al̥aw kaanaku nokoomuu loon kayiliyeenuma, ewaatuwayi inyu yata sílaamasu li ewuj wah bakaanutool.

Hulimahu Hásuumaahu loon Lík akiic homuu 18:11

Afaaliisiyeŋawu li ajow alako balewool min al̥aw aan: «Ateemit, lisali min inokoolutumuu loon bukan kaabuku kákuuwetemuu, li kájakaatimuu, ban li kunaak kuhinten kanaale kalet kooliil. Lisali min inokoolutumuu loon áyababuhalabu umma.

Hulimahu Hásuumaahu loon Lík akiic homuu 18:13

Ayábabuhalabu okila li ayito lóyi, ban afanut akaañen ateb kúkilool ajuke emitayi. Bale li anaak atek li bagiŋool min aan: «Ateemit, úyiyenom, ínje ahoofoola.»

Bakaanelabu 20:36

Nan fool alobumuu loon muñaˈa aban, li ákuntuŋ li buko ló min al̥aw.

Bakaanelabu 21:5

Bale nan jikaan tomuu kunakaku unku hutok li kúl̥uba jiban, li jilaañ jinab li bútinabu bóololi bata kañaahoolaku. Li kútiŋenoli foofiil feh buko li kuseekiil boot li bañooliil ló jijow jífu’ li ésukayi. Jíliiŋ bó, lí jíkuntuŋ li katantaku kata halahu min jil̥aw.

Bakaanelabu 7:60

Fúlum tó, Ecen li ákuntuŋ ban li akaaw butiya aan: — Amaaŋen, ubonketiil kahoofoolaku unke. Nan alobumuu kulimaku unku aban, li awalo.

Bakaanelabu 9:40

Fiyeel li akaan bukanabuku feh kúfulul, ban li ákuntuŋ min al̥aw. Nan al̥awumuu aban, li átiiwo ajooŋoo li ehuluŋayi ban li aan: — Tabita, uyito! Mal̥egen Tabita li aluujul. Nan ajukumuu Fiyeel, li ayito abah.

Eébulo 5:7

Nan Yéesu alakomuu li buloŋ baabe li etaam, lanaanaak al̥aw ban li ayaakoo Ateemit li sikaaw butiya li muhuu ló. Lakankaan mo mata Ateemit ayiliyeenumuu afakenool li eketayi. Ateemit li ayab kal̥awaku kata Yéesu mata látuulootuul.