Hulimahu Hásuumaahu loon Lík akiic homuu 22:16 - Jola-Kasa

¹⁶ Mata, fan ilobuul, let ilaañen itiñ so boot yok hunakahu nan wahawu feh wan Faakayi elobumuu, wommuu li ubaj li Jáyiiyaju jata Ateemit.

Hulimahu Hásuumaahu loon Lík akiic homuu 22:16 Referencias Cruzadas

Hulimahu Hásuumaahu loon Lík akiic homuu 12:37

Awólo kulokaabuku kan anahaanawu ammuu li áliiŋul, li atookiil to mámooliwut! Li mal̥egenamu fan ilobuul, akila humumool fan asinja, ban li akaan kulokaabuku kubah, min akaaniil kutiñ.

Hulimahu Hásuumaahu loon Lík akiic homuu 14:15

Nan akee li bukanabuku kalakomuu hutiñahu ajamumuu kulimaku unku, li aan Yéesu: — Awólo, anawu aanomuu li abil atiñ li Jáyiiyaju jata Ateemit!

Hulimahu Hásuumaahu loon Lík akiic homuu 22:15

Nan kubahumuu, Yéesu li aaniil: — Lifañeene ŋáa’ min itiñ sinaaŋasu unse sata Faakayi li bukuluul ló, tówum ílaam.

Hulimahu Hásuumaahu loon Lík akiic homuu 22:18

Mata fan ilobuul, jókum tó muñeˈe, let imit ilaañen ihob ébiiñ boot yok nan Jáyiiyaju jata Ateemit jommuu li jibil.

Hulimahu Hásuumaahu loon Lík akiic homuu 22:30

Fan jitiñ li jihob li buyinjaayabu búmbaam li Jáyiiyaju júmbaam, ban li jibah li sifenjeŋ sata kúyii min jitiib utoŋawu kuŋen li úl̥ubaawu wata Isilayeel.

Hulimahu Hásuumaahu loon Saŋ akiic homuu 6:27

Jakum jilok boot kabaj búhen báami li bukajen, bale jilok min jibaj búhen báami li bulako to boot li buloŋabu bábaneliitumuu. Búhenabu umbu Añool-An ammuu li asenuul, mata li mal̥egenamu li akila Ateemit Atuubaawu akaanumuu húhaasumahu hoola.

Bakaanelabu 10:41

Inti bukanabuku feh láfule, bale bukanabuku kan Ateemit afinumuu min al̥use min kumaat. Buko kommuu áloli jatiñumuu ban li jihob dín dáno li akila, nan Ateemit ayitenumuloolumuu aban li eketayi.

Búhiisenumabu 19:9

Muñeˈe amalakaawu li aanom: — Ukiic: Awólo, bukanabuku kahooñimuu boot hutiñahu hata sinaaŋasu sata ébutowayi yata Agálalaanawu. Ban li afamen aan: — Laalu kulimaku kata mal̥egen kata Ateemit.