Hulimahu Hásuumaahu loon Lík akiic homuu 20:5 - Jola-Kasa

⁵ Muñeˈe li kulako to búwonnoo buko humumiil min koon: — Oonaamuu «Ateemit asenool ko,» fan aanolaal: «Kama wáa újimuu jíyinenut li Saŋ?»

Hulimahu Hásuumaahu loon Lík akiic homuu 20:5 Referencias Cruzadas

Máciya 16:7

Muñeˈe kúgoomaku li kunaak koon li uyinumiil: — Min úŋalulootaalumuu kúmbuulu, mó mújimuu li alob loon muñowu.

Máciya 21:25

Kama ayimaa asene Saŋ kakaañen kata kábatiise bukan? Mantee Ateemit, mantee bukan? Muñeˈe li kulako to búwonnoo min koon: — Oonaamuu, «Ateemit», fan aanolaal: «Kama wáa újimuu jíyinenut li Saŋ?»

Hulimahu Hásuumaahu loon Lík akiic homuu 20:4

Jilobom, ayi asene Saŋ kakaañen kata kábatiise bukan? Mantee Ateemit, mantee bukan?

Hulimahu Hásuumaahu loon Lík akiic homuu 20:6

Bale oonaamuu «Bukan kusenool ko», búsukabu feh fan bútekulolaal kuyitik bumuk, mata búyinenyinen kaanaku Saŋ afulofet.

Hulimahu Hásuumaahu loon Saŋ akiic homuu 1:30

Akila lilakomuu elobayi nan eenemuu: «Anáyine akee ummu li abil búsolom, bale lahaŋom, mata tówum ínje ibuki okila to.»

Hulimahu Hásuumaahu loon Saŋ akiic homuu 1:34

Ban ínje humumom lijuke wahawu unwu li kúkilom, ban leene ánayinaawu ummu ammuu Añiilawu ata Ateemit.

Hulimahu Hásuumaahu loon Saŋ akiic homuu 3:26

Kúgoomaku li kujow kujuk Saŋ min koonool: — Anahaan, luwayil̥owe ánayinaawu alakomuu tan ulakomuu kageb kaaka katunkaku kata Suuludeŋ, an unaake ulobumuu li okila? Ehee’! ummu muñeˈe li kábatiise, ban ésukayi feh li enaak ejow boola.

Hulimahu Hásuumaahu loon Saŋ akiic homuu 3:36

An áyinenumuu li Añiilawu, li abaj buloŋ babaneliit. Bale an ahoyumuu min áyinen li Añiilawu, let abaj buloŋabu umbu, bale fan alo li katekaku kata Ateemit.

Bakaanelabu 13:25

Nan Saŋ alakomuu li aban bulokabu boola, li anaak aan: “Li kayinooluul, ínje emmuu ayi? Ilet anawu an jikobemuu li akila. Bale jijanten: anawu ummu fan abil búsolom, ban ínje humumom itookut min il̥el̥ uneewawu wata sidallaasu sata kootaku koola.”