Hulimahu Hásuumaahu loon Lík akiic homuu 20:36 - Jola-Kasa

³⁶ Fan kunokoo loon emalakaayi, ban let kuket. Buko fan kulako bañiil bata Ateemit, mata kuyitowuuyitowul li eketayi.

Hulimahu Hásuumaahu loon Lík akiic homuu 20:36 Referencias Cruzadas

Máciya 22:30

Mata nan kayitowulaku kata kaketumuu, káyinaabuku let kuyab, kaalaabuku let kuyabo. Bale fan kunokoo loon emalakaayi yammuu haatiya emitayi.

Maak 12:25

Li mal̥egenamu, nan bukanabuku kommuu li kubil kuyitowumul li eketayi, kánayinaabuku let kuyab, kaalaabuku let kuyabo. Bale fan kunokoo loon emalakaayi yammuu li emitayi.

Kata Lom 8:16

Buyinumabu bata Ateemit humum bo, bulollob buyinumabu boololaal kaanaku bañiil bata Ateemit loomaal.

1 Kata Koolent 15:26

Alatoolaawu ásolaawu an ammuu li aniilen, okila ammuu eketayi.

1 Kata Koolent 15:42

Muñowu emmuu li bil nokoo nan kaketumuu kommuu li kuyitowumul li eketayi. Eniilayi ehokimuu li etaam, ekankaan eniil yakajene. Nan yommuu li eyitowumul li eketayi, li ekaan eniil yayilaat ekajen.

1 Kata Koolent 15:49

Ban min uŋalaamuu kambuwaku kata anawu ajuul̥umimuu li ekafayi yata etaamayi, mo foof lomaamuu ubil uŋalaal kambuwaku kata anawu abilummuu li emitayi.

Kata Fílib 3:21

Nan ammuu li áliiŋul, fan akaan eniilayi yoololaal yágootomuu ébuti, min akaan yo enokoo li eniilayi yoola yáyiineniyaayi, li búkaanum bata sembaasu sájiwoolumuu li ajok wahawu feh aaken li kayilaaku koola.

Búhiisenumabu 20:6

Awólo bukanabuku kajandumuu kuyitowumul li eketayi! Buko bukan kata Ateemit, ban eketayi yál̥ubutayi ebajut li buko sembe sanoosan. Fan kulako kúlamba kata Ateemit li kata Kilisita, ban li kulako kúyii li mano li Kilisita jow baj simit soono énjunne.

Búhiisenumabu 21:4

Fan átil̥ muhuuwamu mooliil feh li kúkiliil. Eket let elaañen ebaj, ñíkul foof let ñibaj. An let al̥okoo, an let abaj foof sílaam. Mata, wahawu feh uhaanawu fan újim.»

Búhiisenumabu 22:9

Amalakaawu li aanom: — A’aa’! Jakum ukaan mo! Injé aloka leem loon awu, loon kutuyi kammuu kufulofet, li loon foof bukanabuku feh kátukumuu jak kulimaku kata éliibalayi inyu. Ateemit bale lóotimuu umanen!