Hulimahu Hásuumaahu loon Lík akiic homuu 20:10 - Jola-Kasa

¹⁰ Nan taŋayi yata kabajaku kata kúul̥aku kata úbiiñawu éliiŋumuu, ánayinaawu ata bul̥ibabu li aboñ alokaawu oola boot bata kulokaaku kata úbiiñawu, mantee li kusenool joola li kúul̥aku kata úbiiñawu. Bale kulokaaku kata úbiiñawu li kujok alokaawu kutek, ban li kulaañenool ábalo kuŋenookuŋen.

Hulimahu Hásuumaahu loon Lík akiic homuu 20:10 Referencias Cruzadas

Hulimahu Hásuumaahu loon Lík akiic homuu 13:34

«Aah Yeelusalem, Yeelusalem, awu jamukemuu kufulofetaku, ban li utek kuyitik bukanabuku kan Ateemit áboñulimuu umuk! Ñoono ñeem ínje ifañeenumuu min íwomenul bañooli ikaan tin tano loon emanjuk éwomenulemuu bacow yo ekaan kata láala kubeyaku kata yo. Bale jifañut.

Hulimahu Hásuumaahu loon Lík akiic homuu 20:11

Anáyinaawu ata bul̥ibabu bata úbiiñawu li alaañen aboñ aloka akee. Kulokaaku kata úbiiñawu li kumit kujok alokaawu kutek, li kugelool ban li kulaañenool ábalo buko basenutool wahoowah.

Hulimahu Hásuumaahu loon Lík akiic homuu 20:9

Fúlum tó, Yéesu li alob ésukayi bukittenoolumabu umbe: — Bile baj ánayine akee al̥uke úbiiñ li bul̥ib aban, li akat bul̥ibabu li kuŋen kuloka úbiiñ min kubil kunaak kucaamool to joola, min akila ajow kañaahoo kan aate afiyowul.

Hulimahu Hásuumaahu loon Saŋ akiic homuu 15:16

Let bukuluul jil̥usom, bale ínje il̥usuul. Ban ínje ikaanuul to, mata min jijow min jibaj ebukoolum, ebukoolum yáami li efiyo to, bájum wahoowah wan jommuu li jil̥aw Atuubawom li kajawaku kúmbaam, li asenuul wo.

Kata Lom 7:4

Kutuyom, mo nokoomuu foof li bukuluul. Nan Kilisita aketumuu, jiketooketoo li akila hákil eluwaayi. Mó mújimuu muñeˈe akee akiluul. Anawu ummu akila ammuu Kilisita ayitowumulomuu li eketayi, bájum li ukaanaal wah wásuume Ateemit.