Hulimahu Hásuumaahu loon Lík akiic homuu 2:36 - Jola-Kasa

³⁶ Li baj no foof afulofet anaale. Kajawool Aana. Aana alakomuu ásungutaawu ata Fanuwel, li ebukiinayi yata Aseel. Lahallenhanlen ŋáa’. Lakine li áyinool ayaboomuu akila ásungutaawu, simit soono hutok li síl̥uba.

Hulimahu Hásuumaahu loon Lík akiic homuu 2:36 Referencias Cruzadas

Hulimahu Hásuumaahu loon Lík akiic homuu 2:35

Ban fan áji uyinoolawu wan bukan kameeŋe kukaane li uyinumiil li uhaasi. Bale awu Mali, fan séngiyi ŋáa’ loon ékundu eyayi li huuñ.

Hulimahu Hásuumaahu loon Lík akiic homuu 2:38

Aana li áliiŋul tó li mano li Simiyoŋ, min alako kasal Ateemit. Li alob mata Yéesu asen bukanabuku feh kalakomuu banaak min Ateemit afaken Yeelusalem.

Bakaanelabu 2:18

Li kunakaku unku, fan iŋa’ li Buyinumabu búmbaam, isen kulokaabuku kúmbaam káyinaaku li kaalaaku. Fan ílobum li buko.

Bakaanelabu 21:9

Li abaj básungute bubakii bahaasut kánayine, ban Ateemit anaake álobum li buko.

1 Kata Koolent 11:5

Li bil nokoo loon anaale ásoolowut akila li kal̥aw mantee foof li elob ésukayi hulim han Ateemit asenool, anaalaawu ummu lasuuwensuuwen áyinool. Lanokoonokoo li anaale awuulowe.

1 Kata Koolent 12:1

Muñeˈe ulobaal mata újiyawu wata Buyinumabu Banabaabu: Kutuyom, lifañe min jihaas mata mal̥egenamu mata újiyawu unwu.

1 Tímote 3:2

Anahaan ata Ejangu laate alako an, an an aatut ajuk majakut manooman li akila. Laate abaj anaale ano. Aatut awuuhen li wahoowah. Laate alako an abaje buyinum, ban li abaj buloŋ bajake. Laate foof alako an ayabe boola bukan jak ban li ayili awaale hulimahu hata Ateemit.

1 Tímote 5:9

Boot min anaale ahoke áyinool acobi li kanaalaabuku kahokumuu kúyiniil, anaalaawu ummu laate abaj simit kúyii kúhaaji, ban li alako anaale ayabowe li ánayine ano bale.

Búhiisenumabu 7:6

li butoŋabu bata Aseel, bukan koono sínjunne kuŋen lí síl̥uba; li butoŋabu bata Nefitali, bukan koono sínjunne kuŋen lí síl̥uba; li butoŋabu bata Manase, bukan koono sínjunne kuŋen lí síl̥uba;