Hulimahu Hásuumaahu loon Lík akiic homuu 2:34 - Jola-Kasa

³⁴ Simiyoŋ li ásooniyeniil ban li aan Mali, jaaw ata Yéesu: — Ateemit lal̥ul̥l̥us añiilawu umme bánum li áji bukan kameeŋe kata Isilayeel li kulo, kaabuku li kuyito. Fan alako búhiisenum bata Ateemit ban bukanabuku kóomi li kuhoy.

Hulimahu Hásuumaahu loon Lík akiic homuu 2:34 Referencias Cruzadas

Máciya 11:19

Añool-An li abil ban li anaak atiñ, li ahob, bukanabuku li koon: “Jijuke ánayinaawu ummu. Akila hutiñ bale li kákaliyenoo bale layinoole, abuke ata kúyababuhal li kuhoofoola.” Bale bújallowabu bata Ateemit, li bakaane búhaasumeyi.»

Máciya 12:46

Nan Yéesu alakomuu elobayi li búsukabu, jaawool li kutuyool li kúŋejul. Li kulako tíyaŋ, min kulako huŋes min kulob li akila.

Máciya 21:44

An alomuu li huyitikahu unhu, fan ayiisoo feh, ban huyitikahu hulomuu li an, fan hugunjool feh.

Máciya 27:63

Nan kúliiŋumuu li koon Filat: — Anahaan, jiwayil̥owe kaanaku ámalamiñawu ummu lansaan akila li buloŋ aketumuu jow baj kunak kúhaaji, fan ayitowumul li kaketumuu.

Hulimahu Hásuumaahu loon Lík akiic homuu 2:35

Ban fan áji uyinoolawu wan bukan kameeŋe kukaane li uyinumiil li uhaasi. Bale awu Mali, fan séngiyi ŋáa’ loon ékundu eyayi li huuñ.

Hulimahu Hásuumaahu loon Saŋ akiic homuu 3:20

Li mal̥egenamu, anoowan feh akaane majakut, afañut mawuŋe ban let áfu’ alako li mawuŋe, jakum bil makaanelamu moola majakutumuu muhaasi.

Hulimahu Hásuumaahu loon Saŋ akiic homuu 5:18

Kulimaku unku kan Yéesu alobumuu, li kúji kunahaanaku kata Kusuwifaku li kuhaŋ maŋes min kumukool, mata inti eluwaayi yata húyiiyaayahu hooliil bale lahuusulo, bale li amit aan foof Ateemit ammuu Atuubawool, min ajokoolo ale li Ateemit.

Bakaanelabu 13:45

Nan Kusuwifaku kujukumuu búsukabu, li kutahaay ŋáa’. Li kunaak kúhoogul kulimaku kata Fool, ban li kunaak kugelool.

Bakaanelabu 17:6

Emmuu kutookutiil bo, li kújokul Saasoŋ li kukee káyinene, kújowetum jow kusen kunahaanaku kata ésukayi, ban li kunaak kulob butiya koon: — Kánayinaabuku umbuku kúgugguul̥ etaamayi feh, ban muñeˈe kuŋejulo baabe!

Bakaanelabu 24:5

Jijuujuk joon ánayinaawu ummu busik. Lájiji Kusuwifaku feh kammuu tanootan li adunaayi li kúguul̥oo, akila ammuu anahaanawu ata hujojahu hata Kunasaleyeŋaku.

Bakaanelabu 28:22

Bale jifaañe min awu humumi úloboli min jijam kayinooli, mata jihaase kaanaku tanootan bukanabuku kuhoohoy hujojahu unhu dán ommuu.

Bakaanelabu 4:26

Kúyiiyaku kata etaamayi li kubil kucaal̥ boot hutiik, kunahaanaku kata sísukasu li kufam tin tano boot hutiik li Amaaŋenawu, li Afakenaawu ammuu oola.»

Bakaanelabu 6:7

Hulimahu hata Ateemit li hunaak huhaŋ majamo huyinno bo. Kúgoomaku li kuhaŋ mameeŋ li ésukayi yata Yeelusalem. Kúlamba kameeŋe li kúyinen li Yéesu.

Kata Lom 9:32

Wáa újimuu kuyilaat? Mata kusuwifaku kuyinoolut kaanaku macolamu ummu li káyinen muyilimuu mubilumul, min buko kuyinoo li koon kuyilo kulako bukan kacole humum hata bakaanelabu booliil. Li kujonten li huyitikahu hájiyiilumuu li kulo,

1 Kata Koolent 1:23

Alolaal, Kilisita abaaŋimuu li ekuluwaayi okila luwaaleyaalemuu moola. Kulimaku unku kan uwaaleyaalemuu kulakolako busiisijan boot li Kusuwifaku, li kulako bul̥uuhoo boot li kaletumuu kusuwif.

Eébulo 7:1

Melikisedek okila áyii lalakowe ata ésukayi yata Salem li álamba ata Ateemit ata Haatiya tiya. Nan Abulaham alakomuu élaañumul bata hutiikahu han aheekumuu kúyiiyaku, Melikisedek li ajow kufam ban li ásooniyenool.

Eébulo 7:7

Ban luhaasaale li mal̥egen kaanaku anawu áamakawu okila ásooniyenemuu atitawu.

1 Fiyeel 4:14

Awólo, bukanabuku bageleluul mata kúgoom joom kata Kilisita, mata Buyinumabu báyiineniyaabu, Buyinumabu bata Ateemit bumbu li bukuluul.