Hulimahu Hásuumaahu loon Lík akiic homuu 19:47 - Jola-Kasa

⁴⁷ Yéesu li anaak aliiken bukanabuku Hulimahu hata Ateemit hunakoohunak li eluufayi yata Ateemit. Bale huhaanaahu hata élambaayi, li kaliikenemuu ésukayi eluwaayi ésukayi eluwaayi yata Móyiis, li kunahaanaku kata ésukayi li kuŋes min kumuk Yéesu.

Hulimahu Hásuumaahu loon Lík akiic homuu 19:47 Referencias Cruzadas

Máciya 21:23

Muñeˈe Yéesu li ánokenul li Eluufayi yata Ateemit, áliiŋul li alako ló kaliiken ésukayi Hulimahu hata Ateemit. Huhaanaahu hata élambaayi li kunahaanaku kata ésukayi, li kúkoojulool min kugel̥l̥enool koonool: — Li kakaañen kay lúkaanume wahawu unwu? Ban ayi aseni kakaañenaku unku?

Máciya 26:55

Fúlum tó, Yéesu li aan búsukabu: — Waa, jibil boot kajokom li síkundu li sigol ló loon eenimuu ínje ákuu? Hunakoohunak linaanaak ibah li Eluufayi yata Ateemit, min inaak iliiken bukanabuku mata Ateemit, ban jijokutom.

Maak 11:18

Muñeˈe nan huhaanaahu hata élambaayi li kaliikenemuu ésukayi eluwaayi yata Móyiis kujamumuu loon muñaˈa, li kulako huŋes bútin mantee li kumuk Yéesu. Bale li mal̥egenamu kúkolikoli Yéesu, mata baliikenelabu boola bugoggo’ búsukabu feh ŋáa’.

Maak 12:12

Muñeˈe huhaanaahu hata élambaayi li kaliikenemuu ésukayi eluwaayi ésukayi eluwaayi yata Móyiis, li kulako huŋes bútin boot min kujok Yéesu. Mata li mal̥egenamu, kúnaanunnaanum koon bukittenoolumabu ban alobumuu, li buko lalob bo aya. Bale emmuu kúkolikoli búsukabu, li kukat to Yéesu min kujow.

Maak 14:1

Muñeˈe li saŋo kunak kúl̥uba min kagaanaku kata Faakayi, li kata kúmbuuluwaku kakaanutimuu élebiil kúliiŋ. Huhaanaahu hata élambaayi li kaliikenemuu ésukayi eluwaayi ésukayi eluwaayi yata Móyiis, li kulako huŋes bútin mantee li kujok Yéesu an bahaasut kujow kumuk.

Maak 14:49

Hunakoohunak li bukuluul linaake ilako li eluufayi yata Ateemit, min inaak iliiken bukanabuku mata Ateemit, ban jijokutom. Bale wahawu unwu boot min ubaj min kulimaku kan Bakiicelabu bulobumuu kubaj.

Hulimahu Hásuumaahu loon Lík akiic homuu 19:48

Bale kuhaasut buu kóomi li kukaan eeno, mata ésukayi feh enaanaak ejantenool ŋáa’.

Hulimahu Hásuumaahu loon Lík akiic homuu 20:19

Muñeˈe no unnu, kaliikenemuu ésukayi eluwaayi ésukayi eluwaayi yata Móyiis li huhaanaahu hata élambaayi, li kulako huŋes bútin boot min kujok Yéesu. Mata li mal̥egenamu, kúnaanunnaanum koon bukittenoolumabu ban alobumuu, li buko lalob bo aya. Bale li kúkoli ésukayi.

Hulimahu Hásuumaahu loon Saŋ akiic homuu 10:39

Muñeˈe li kumit kufañ min kujok Yéesu, bale li afakiil.

Hulimahu Hásuumaahu loon Saŋ akiic homuu 18:20

Yéesu li aanool: — Lilollob ihant hákil ésukayi feh. Linaanaak iliiken bukanabuku li siluufasu sata kal̥awaku feh kuwoogemuu, ban bajut wah wan ilobe li huyoloo.

Hulimahu Hásuumaahu loon Saŋ akiic homuu 7:19

Kama inti Móyiis asenuulumuu Eluwaayi? Bale bajut an li bukuluul akaane loon elobumuu. Wáa újiye li joono li huŋes jamukom?

Hulimahu Hásuumaahu loon Saŋ akiic homuu 7:44

Kukee li buko li kufañeen min kujokool, bale an ajokutool.