Hulimahu Hásuumaahu loon Lík akiic homuu 18:43 - Jola-Kasa

⁴³ Mal̥egen ánayinaawu li ayaan ajuk, ban li anab li Yéesu mo lasalemaa Ateemit. Nan búsukabu bujukumuu loon muñaˈa, li busal foof Ateemit.

Hulimahu Hásuumaahu loon Lík akiic homuu 18:43 Referencias Cruzadas

Máciya 11:5

Bukanabuku káfuumumuu kujuke, kakajumuu kujowe jak, bukanabuku kan háhaayee ejokeenumuu kufake, bukanabuku kásokomuu kujame, kaketumuu kuyitowe, esukateenayi ejame Hulimahu Hásuumaahu.

Máciya 21:14

Bukan káfuume li bukan kakaje li kubil kutook Yéesu li Eluufayi yata Ateemit, li afakeniil.

Máciya 9:8

Nan búsukabu bujukumuu wahawu unwu, li búkoli ban li busal Ateemit asenumuu bukanabuku kayile loon unku.

Hulimahu Hásuumaahu loon Lík akiic homuu 13:17

Nan Yéesu alobumuu loon muñowu, kulatoolawool li kusuu ŋáa’. Bale búsukabu li súumiil li wahawu unwu feh wáyiinenimuu wan Yéesu alakomuu kakaanaku.

Hulimahu Hásuumaahu loon Lík akiic homuu 19:37

Nan Yéesu alehenumuu Yeelusalem, li bútinabu báwalowumulomuu li huyuuyahu hata unuunukenawu wan koonemuu Olíibiye, búsukabu bata kúgoomaku koola ésuumansuum li elako li buko, min kútoŋ kusal Ateemit ban li kumanenool butiya, mata wahawu feh wájaahalenimuu wan kujukumuu.

Hulimahu Hásuumaahu loon Lík akiic homuu 4:39

Yéesu li ásiten ajooŋoo li anaalaawu min anuuloo bújuusaabu li sembe. Li búfu’ li okila, min anaalaawu ayaan ayito alakoyiil kakaan kutiñ.

Hulimahu Hásuumaahu loon Lík akiic homuu 5:26

Bukanabuku feh li kusego ŋáa’. Li kusal Ateemit, li ekole ló min kunaak koon: — Lujukaale síyaat wah wájaahaleniye ŋáa’.

Hulimahu Hásuumaahu loon Lík akiic homuu 9:43

Esúkayi feh li esego mata sembaasu sata Ateemit. Muñeˈe emmuu anoowan baloŋe li asego mata wahawu feh wan Yéesu akaanumuu, Yéesu li aan kúgoomaku koola:

Bakaanelabu 11:18

Muñeˈe nan kujamumuu kulimaku unku, li kulu min kukit kusal Ateemit koon: «Kama mal̥egen, Ateemit lakankaan bukanabuku kákaanumutumuu li akila balewool, min kubet búsol baloŋelabu booliil buhaanabu, min kútiiwo kuŋa’ buloŋabu bata mal̥egen.»

Bakaanelabu 26:18

Boot min iboñi ujow úbabul kúkilaku kooliil, li úfulenuliil li élimayi kubil kulako li mawuŋe, li úfulenuliil foof li kaŋenaku kata Sayitaane kubil kulako bata Ateemit; bájum kúyinenumuu lí ínje, li kubaj kabonket kata uhoofoolawu wooliil, min kubaj bútowowiil li bukanabuku kan Ateemit akilumuu.

Bakaanelabu 4:21

Muñeˈe kunahaanaku kata Kusuwifaku li kulaañen kunuuloo Fiyeel buko li Saŋ, ban li kukateniil. Kujukut li buko majakut man kóotummuu kútekumiil, mata ésukayi feh enaanaak esal Ateemit mata wahawu wabajumuu.

Kata Galasi 1:24

Ban li kusal Ateemit mata ínje íji.

1 Fiyeel 2:9

Bale bukuluul, bukuluul jommuu bukanabuku kal̥usimuu, kúlambaaku kata Ayíiyawu, ésukayi yanabaayi, bukanabuku kata Ateemit. Lí élimayi láhooñumuluul jibil jilako li mawuŋaamu moola máyiineniyaamu, boot kayiiŋen wahawu wan akaanumuu wajakumuu majak.