Hulimahu Hásuumaahu loon Lík akiic homuu 18:32 - Jola-Kasa

³² Mata Añool-An fan abeti li kuŋen bukanabuku kákaanumutumuu li Ateemit balewool, min kujakakaayool, li kugelool, ban li kumasenool.

Hulimahu Hásuumaahu loon Lík akiic homuu 18:32 Referencias Cruzadas

Máciya 16:21

Yaan no unnu, Yéesu li átoŋ alob kúgoomaku koola aaniil: — Boot min ijow boot Yeelusalem min ílaam ŋáa’ li kuŋen kata kunahaanabuku, li kata huhaanaahu hata élambaayi, li kata kaliikenemuu ésukayi Eluwaayi yata Móyiis. Ban fan kúji li kumukom. Bale li hunakahu húhaajutahu, fan iyitowul li eketayi.

Máciya 20:19

Ban fan kuŋalool kusen kákaanumutumuu li Ateemit balewool min kulekenool. Fan kuŋa’ kukaluwaas min kutekool, ban li kubaaŋool li ekuluwa. Bale hunakahu húhaajutahu fan ayitowumul li eketayi.

Máciya 22:6

Kaabuku li kujok kulokaabuku kata áyiiyawu kúcoocikoo, ban li kumukiil.

Máciya 26:67

Muñeˈe li kuyaan kumasenool li buul, ban li kutekool sínuka li siheejen ban li koonool:

Máciya 27:2

Muñeˈe li kujokool kujenk kuban, li kuŋalool kújowetum kujow kusen águubelunaalawu Filat.

Maak 14:65

Muñeˈe kukee li buko li kútoŋ kumasenool, li kúmibool kúkil, min kutekool sínuka ban li koonool: — Uhéboli ayi atekimuu. Muñeˈe kufooyaabuku li kunaak kutekool siheejen.

Maak 15:1

Muñeˈe li líiŋ hunak hukaten yaan li bújom bíb, huhaanaahu hata élambaayi, li kunahaanaku kata ésukayi, li kaliikenemuu ésukayi eluwaayi ésukayi eluwaayi yata Móyiis, kammuu li Huhaanaahu háamakahu hata Kusuwifaku, li kujoj. Nan kujojumuu kuban, li kujok Yéesu kujenk ban, li kújowetumool kujow kusen Filat.

Hulimahu Hásuumaahu loon Lík akiic homuu 18:33

Fan kútekumool kukaluwaas, ban li kumukool. Bale li hunakahu húhaajutahu, Añool-An fan ayitowumul li eketayi.

Hulimahu Hásuumaahu loon Lík akiic homuu 23:1

Bukanabuku feh kalakomuu li hujojahu li kuyito min kuŋa’ Yéesu kújowetum bata Filat.

Hulimahu Hásuumaahu loon Lík akiic homuu 23:11

Elod li kusollaaliyaku koola li kajakakaay Yéesu, ban li kubesool. Li kukaanool hújufo háyikiye kuban, li kulaañenool bata Filat.

Hulimahu Hásuumaahu loon Lík akiic homuu 23:35

Muñeˈe ésukayi li eyito to min enaak ejuke. Kunahaanaku kata Kusuwifaku li kulako kanukuto Yéesu min kunaak koon: — Emmuu lafakenfaken kukee, muñowu kama afakenoolo okila humumool, nokoomuu loon akila ammuu mal̥egen Afakenaawu, an Ateemit al̥usumuu!

Hulimahu Hásuumaahu loon Saŋ akiic homuu 18:22

Nan Yéesu alobumuu kulimaku unku, akee li kufooyaaku alako to, li abil atekool eheejen, ban li aanool: — Muñowu lommuu ulob anahaanawu ata élambaayi?

Hulimahu Hásuumaahu loon Saŋ akiic homuu 18:28

Fúlum tó, li kúŋalum Yéesu bata Kayif kújowetum boot bata eluufayi yata águubelunaalawu, yaan no li bújom bíb. Bale kunahaanaku kata Kusuwifaku kunokenut li eluufayi jakum bil kusiko, mantee li kuyili kutiñ hutiñahu hata Faakayi.

Hulimahu Hásuumaahu loon Saŋ akiic homuu 18:30

Li koonool: — Kaaneenumuu loon alet an ajakut, leteen jíŋalulool jiseni.

Hulimahu Hásuumaahu loon Saŋ akiic homuu 18:32

Muñowu hulimahu han Yéesu alobumuu min áhiis eket buu láatimuu aket, hóomimuu li hubaj.

Hulimahu Hásuumaahu loon Saŋ akiic homuu 18:35

Filat li aanool: — Waa, kama ínje asuwif leem? Bukanabuku kata ésukayi yooli li kunahaanabuku kata élambaayi kubeti li kuŋenom. Kama waa lukaane?

Bakaanelabu 2:23

Anáyinaawu ummu ammuu Yéesu, Ateemit lakatookat li kuŋenuul loon anong momuu. Ateemit lafinfin min ahaase ákibben, waa jommuu li jikaan Yéesu. Jiŋalooŋa’ jisen bukan kákaanumut li Ateemit balewool, kumuk li ekuluwa dán kubaaŋoolumuu.

Bakaanelabu 3:13

Ateemitawu ata Abulaham, Isaak li Sakob, ammuu Ateemitawu ata situubawolaal sihaan, láhihhiis máyiineniyamu mata Yéesu ammuu alokaawu oola. Bukuluul humumuul jibetumuu Yéesu li kuŋen kata kunaahaanaku kata ésukayi, ban li jihoyool hákil Filat afañeenumuu min akatenool.