Hulimahu Hásuumaahu loon Lík akiic homuu 18:23 - Jola-Kasa

²³ Bale nan ánayinaawu ajamumuu kulimaku unku, li áyiyenoo, mata lakankaan usaanum wáamak.

Hulimahu Hásuumaahu loon Lík akiic homuu 18:23 Referencias Cruzadas

Máciya 19:22

Bale nan ánayinaawu ajamumuu kulimaku unku, li áyiyenoo ábalo, mata lakankaan usaanum wáamak.

Maak 10:22

Bale nan ánayinaawu ajamumuu kulimaku unku, buulool li búlim min áyiyenoo ábalo, mata lakankaan usaanum wáamak.

Hulimahu Hásuumaahu loon Lík akiic homuu 12:15

Yéesu li afamen aaniil feh: — Jijuke to ban li jíkaanum efanhubaj, mata buloŋabu bata mal̥egen bata an, bulet li ebajayi yoola, maayeet min akite abaj ŋáa’.

Hulimahu Hásuumaahu loon Lík akiic homuu 18:22

Muñeˈe nan Yéesu ajamumuu kulimaku unku, li aan ánayinaawu: — Wah wano bale usaŋoyi kakaan. Ujow újula wahawu wan ubajumuu feh, ban li uŋa’ sídalamasu ugaben esukateenayi. Ukaan momuu, fan ubaj hubaj li emitayi. Banumuu, li ubil únabul lí ínje.

Hulimahu Hásuumaahu loon Lík akiic homuu 18:24

Nan Yéesu ajukumuu ánayinaawu máyiyenoolaamu, li aan: — Mo kite séngi min kusaanumaku kunoken li Jáyiiyaju jata Ateemit!

Hulimahu Hásuumaahu loon Lík akiic homuu 19:8

Saase li ayito hákil Amaaŋenawu, min aanool: Ujanten, Anahaan, boot min íkej ebajayi yúmbaam li tut isen kusukateenabuku. Ban nokoomuu loon libumbunt an min iŋa’ joola, fan ilaañenool jo ñoono ñabakii.

Hulimahu Hásuumaahu loon Lík akiic homuu 21:34

— Jíkaanum! Jakum jiŋa’ buyinumuul feh jikaan li kagaan li ehob, mantee foof li buyinaabu bata buloŋabu umbe. Jikaan momuu, hunakahu nan Añool-An ammuu li álaañul fan huyaan hugoobuul.

Hulimahu Hásuumaahu loon Lík akiic homuu 8:14

Etaamayi yata banuunukenabu bata úbujaawu, yo yommuu bukanabuku kajamumuu Hulimahu hata Ateemit. Bale li kukat uyinoolawu, li ebajayi li másuumamu mata buloŋabu umbe min úgoben Hulimahu; mó lí múji ebukoolumayi yooliil let yaal.

Kata Efées 5:5

Mata joote jihaas kaanaku an áfulowe bó muñaˈa, an ákaanikoole suuneni, li an afañe sídalam, let anoken li Jáyiiyaju jata Kilisita li Ateemit. Li mal̥egenamu, efañ sídalam láalu kamanen kuteemit kalet mal̥egen.

Kata Fílib 3:8

Ban inti wahawu unwu bale lijoke loon kakaal̥o, bale wahawu foof wo feh, humum hata wahawu unwe wahaŋumuu feh maluuk: wo wommuu kahaas Yéesu Kilisita ammuu Amaaŋenawu úmbaam. Akila ájimuu li ibeten wahoowah feh wabajeene jáliŋ lí ínje. Wahawu unwumaa feh lijoojok wo loon wah wata kabeten li huwey, mantee li ibaj Kilisita,

Kata Kolos 3:5

Kama muñeˈe jífulen wahawu wáamimuu li buloŋuul wata etaamaye loon: kahinto li aletalet, kákaanikoo, kamelo wah kajakut, kásiibo wah kajakut, li efañ sídalam yammuu kamanen ateemit alet mal̥egen.

1 Saŋ 2:15

Jakum jifañ adunaayi li wahawu wata yo. Mata an afañumuu adunaayi, abajut húbooli hata Atuubaawu.