Hulimahu Hásuumaahu loon Lík akiic homuu 18:14 - Jola-Kasa

¹⁴ Fan ilobuul, áyababuhalabu abajumuu hujamoo li Ateemit átowum ajow bóot, bale inti afaaliisiyeŋawu. Mata an atebenoolomuu, Ateemit fan awalenool, bale an awalenoolomuu, Ateemit fan atebenool.

Hulimahu Hásuumaahu loon Lík akiic homuu 18:14 Referencias Cruzadas

Máciya 23:12

An atebenoolomuu, fan awaleni. Bale an awalenoolomuu, fan atebeni.

Máciya 5:3

— Awólo, kahaasumuu koon káyinenaku kooliil kutitititi hákil Ateemit, mata Jáyiiyaju jata Ateemit jooliil.

Hulimahu Hásuumaahu loon Lík akiic homuu 1:52

Ateemit láhooluuhoolul kata sembaasu li sifenjeŋasu sooliil, min ateben kawalenoolomuu.

Hulimahu Hásuumaahu loon Lík akiic homuu 10:29

Bale ánayinaawu aliikenemuu ésukayi eluwaayi yata Móyiis li afañ min akooŋenoolo, li agel̥l̥en Yéesu aanool: — Kama ayi ammuu afaalom an?

Hulimahu Hásuumaahu loon Lík akiic homuu 14:11

Mata an atebenoolomuu, Ateemit fan awalenool, bale an awalenoolomuu, Ateemit fan atebenool.

Hulimahu Hásuumaahu loon Lík akiic homuu 16:15

Yéesu li aaniil: — Bukuluul jikankaan bukan kajokoolowe loon bukan kacole joom hákil ésukayi, bale Ateemit lahaase waa wóomi li uyinumuul. Mata wahawu wan bukanabuku kuluukenumuu, Ateemit afañut wo maayeet.

Kata Lom 3:20

Wahawu unwu újimuu let baj an aŋale sembewool min akaan loon eluwaayi elobumuu, jow yok took min Ateemit ajokool an acole hákilool. Li mal̥egenamu, eluwaayi yoonosoono to bale boot kakaan bukanabuku min kuhaas mata kahoofoo.

Kata Lom 4:5

Bale an akaanutumuu bulok banooban, min áyinen bale kaanaku Ateemit lakaanekaan ahoofoola alako an acole, anawu ummu Ateemit fan ajokool an acole humum hata káyinenaku koola.

Kata Lom 5:1

Emmuu Ateemit lajokolaajok bukan kacole hákilool humum hata káyinenaku koololaal, muñeˈe lubajaale hujamoo li akila habilumulo li Amaaŋenawu.

Kata Lom 8:33

Ayimaa aate al̥oof bukanabuku kan Ateemit al̥usumuu? Maayeet ano! Ateemit humumool lajokiijok bukan kacole.

Kata Galasi 2:16

Ban luhaasaale oonaal, an káyinenool li Yéesu Kilisita bale kújimuu leeni lakankaan an acole hákil Ateemit, inti mata min ahankene min akaan loon eluwaayi yata Móyiis elobumuu. Mó mújimuu, alolaal foof lúyinenaayinen li Yéesu Kilisita bájum Ateemit li ajokolaal bukan kacole, mata káyinenaku koololaal li Kilisita kúji, bale inti mata min uhankenaale min ukaanaal loon eluwaayi inyu elobumuu. Li mal̥egenamu, bajut an aani lakankaan an acole hákil Ateemit, mata waa lahankenhanken min akaan loon eluwaayi elobumuu.

Saak 4:10

Jiwalenoolo hákil Amaaŋenawu, fan atebenuul.

Saak 4:6

Bale Ateemit li amit asenolaal káji káamak, mata Bakiicelabu bonsoon: «Ateemit lahoohoy bukanabuku katebenoolomuu, min ásuum li kawalenoolomuu.»