Hulimahu Hásuumaahu loon Lík akiic homuu 17:6 - Jola-Kasa

⁶ Amaaŋenawu li aaniil: — Nokoomuu loon káyinenaku kooluul kutitiyeene loon jikool jata anuunukenawu aaneyimuu mutaad, fan joon bunuunukenabu umbu báamakabu baaneyimuu búmiiliye: «Uluuco min ujow ul̥ukoolo li husamuwahu», fan bukaan loon jilob bomuu.

Hulimahu Hásuumaahu loon Lík akiic homuu 17:6 Referencias Cruzadas

Máciya 14:29

Yéesu li aanool: — Ubil. Mal̥egen Fiyeel li áwalowumul li busaanaabu min ájowum koot li malamu ajooŋoo ban Yéesu alakomuu.

Máciya 17:20

Yéesu li aaniil: — Mata káyinenaku kooluul kafamut. Li mal̥egenamu fan ilobuul, káyinenaku kooluul kutitiyeenumuu loon jikool jata anuunukenawu aaneyimuu mutaad, fan joon huyuuyahu unhu: «Uyinno taatu boot baaba,» li huyinno boot bo, ban wah let uheekuul.

Máciya 21:21

Yéesu li aaniil: — Li mal̥egenamu fan ilobuul, jibajeenumuu káyinen ban jíwettoolut, let mantee fan jiyili jikaan wahawu wan ikaanumuu bul̥el̥uwabu umbu bale. Bale fan jiyili foof joon huyuuyahu unhu, «Uyinno taatu ujow ulo li husamuwahu,» fan hukaan mo.

Maak 4:31

Jáyiiyaju jata Ateemit jikoonokoo li ekool yata anuunuken an koone mutaad, yan ommuu li ul̥uk li etaam li ehaŋ matiti sígulasu feh sata etaamaye.

Maak 9:23

Yéesu li aanool: — Wáa újiye li oon: «Nokoomuu loon luyilo ukaan to wah ukee?» Bajut wah wan an áyinene ayilaat akaan.

Hulimahu Hásuumaahu loon Lík akiic homuu 13:19

Jinokoonokoo li ekool yata anuunuken an koone mutaad, yan an aŋale al̥uk li etoolayi yoola. Ekoolayi li el̥iil min ekaan bunuunuken, min basuuwabu bunaak bujow buseeh li waanawu wata bo.

Hulimahu Hásuumaahu loon Lík akiic homuu 17:7

— Ayi li bukuluul aate abaj aloka ajowe ewañ, mantee humat kúgalalaan, li ajuk alokaawu li álaañumul bata bul̥ibabu boola li ayaan aanool: «Usómmenul uyaan ubil ubah min utiñ?»

Hulimahu Hásuumaahu loon Lík akiic homuu 19:4

Saase li atey ayab kayooŋ, ajow aŋito li bunuunuken ban koone busikomool, balakowe tan Yéesu ammuu li ájowum, mantee li ajukool.

Hulimahu Hásuumaahu loon Lík akiic homuu 7:13

Nan Amaaŋenawu ajukumuu anaalaawu ummu, li áyiyenool ŋáa’. Li aanool: — Jakum ul̥ok!

Hulimahu Hásuumaahu loon Lík akiic homuu 7:19

min aboñiil bata Amaaŋenawu kujow kugel̥l̥enool koonool: — Mantee awu ommuu anawu áatimuu abil, mantee joote jinaak akee ábuto?

1 Kata Koolent 13:2

Li bil nokoo loon libabbaj káji kata min ilob hulim han Ateemit asenom, li ibaj káji kata kahaas mahaasutimuu ban li ihaas wahoowah feh, li ibil ibaj káyinenaku feh kammuu li kújiwom li iyili iyinnen kuyuuy, ban ibajut húbooli, ilet wahoowah.