Hulimahu Hásuumaahu loon Lík akiic homuu 17:26 - Jola-Kasa

²⁶ Wahawu wabaj nomuu li taŋayi yata Nówe, wo foof wommuu li ubaj nan Añool-An ammuu li álaañul.

Hulimahu Hásuumaahu loon Lík akiic homuu 17:26 Referencias Cruzadas

Hulimahu Hásuumaahu loon Lík akiic homuu 17:22

Fúlum tó, li aan kúgoomaku koola: — Fan líiŋ nakee nan jommuu li jifañ jimaat maayeet hano li kunakaku kata Añool-An, bale let jimaat ho.

Hulimahu Hásuumaahu loon Lík akiic homuu 17:24

Mata loon kawiwijenaku kata emitayi kuwuŋenemuu kageb kaake kata yo boot li kaaka, mo foof emmuu li bil nokoo li hunakahu nan Añool-An ammuu abil.

Hulimahu Hásuumaahu loon Lík akiic homuu 17:27

Bukanabuku kunaanaak kutiñ li kuhob, li kunaak kuyab li kukaan bañooliil baale buyabo, boot yok hunakahu nan Nówe anokenumuu li busaanaabu báamakabu. Muñeˈe li baj mal máamak mameeŋene etaamayi feh, min muniilen bukanabuku feh.

Hulimahu Hásuumaahu loon Lík akiic homuu 17:7

— Ayi li bukuluul aate abaj aloka ajowe ewañ, mantee humat kúgalalaan, li ajuk alokaawu li álaañumul bata bul̥ibabu boola li ayaan aanool: «Usómmenul uyaan ubil ubah min utiñ?»

Hulimahu Hásuumaahu loon Lík akiic homuu 18:8

Fan ilobuul, Ateemit fan akooŋeniil li mahilaamu. Bale nan Añool-An ammuu li álaañul, fan átookul fíle bukan kabaje káyinen li etaamaye?

Eébulo 11:7

Káyinen kújimuu Nówe li ajanten kulimaku kan Ateemit aloboolumuu ákibben mata wahawu wajukolutimuu. Li akaan to buyinumool li kulimaku kan Ateemit aloboolumuu, min akaan busaana báamak dán áfakenummuu butoŋabu boola foof bo feh. Muñowu láhiisummuu kaanaku adunaayi ekajenkajen, ban Ateemit li ajokool an acole humum hata káyinenaku koola.

2 Fiyeel 2:5

Ateemit akatut bo foof adunaayi yata naanaŋ, bale li áŋalul mal máamak mujow mumeeŋen etaamayi feh yameeŋ nomuu bukan kákoliwut Ateemit, min afaken Nówe anaake alobumuu bukanabuku wahawu wacolumuu wan Ateemit afañumuu, li bukan foof kukee koono hutok li kúl̥uba.

2 Fiyeel 3:6

ban foof li mal adunaayi ehaanayi ékajenummuu, nan malamu máamakamu mumeeŋenumuu etaamayi feh ejow efaasoo.